移英日記（419）基礎

 好多人攪錯一件事，以為家庭最重要係感情，我告訴大家，家庭第一性原理係經濟，唔係感情，基礎嘅野攪得掂，才可慢慢發展感情，基礎嘅野攪唔掂，你話幾愛佢都冇用！

正所謂：「貧賤夫妻百事哀」，唔好說最近「恨花村」嘅悲劇，就是一般家庭，經濟困難，關係也有拉扯！

當冇錢交稅，或股票戶口跌到新低，「歪芺」唔嘈嘈閉才奇！現在股票上返啲，使錢冇咁緊，關係先和諧啲炸！再奉上這個早餐，冇得輸！

每人吃四隻蛋，都係走地雞蛋，再加有機全脂奶、鹽、胡椒粉、蔥，再用牛油炒，「歪芺」要走蔥，special order，也特製給她，再加茄汁鯖魚，蛋白質豐富。再加「講式奶茶」，用三隻茶煮成，再加淡奶，茶色、茶香、茶味、奶香俱全⋯冇得輸，唔夠嘅話，再加吞拿魚芝士「沙華刀」⋯高蛋白低碳飲食，基本需要得到滿足，生活才得和諧。

就算在「漁村」，都未必飲到似樣嘅「講式奶茶」，受制經濟困難，為節省成本，紛紛採購平價茶葉，或甚用預製品，以前去捷榮嗰度已可買溝好嘅茶，品質差極有限，最多係不同茶餐廳加多減少，有要求高嘅師傅，更自己溝茶。今日好多野已經走晒樣，好像詠春一樣咁垃圾！

（呢個係乜嘢馬？我唔理你師承邊個「發瘟師傅」，都唔會係好野，攪埋啲黐手自high大會，有甚麼意思？你起樓唔打地基，整到幾靚都無用。）

我知道世界在變，「漁村」也在變⋯

（語言在變。）

（人口在變。）

只能唱一曲：願望就是明天。

但Hong Kong基礎嘅野，連根拔起，仲有冇將來呢？