移英日記（180）移英炒股生活

 去完悠長假期嘅旅遊，又要開始做正經野，零晨二時去厠所，順便炒日股，整好部署，繼續瞓，朝早七點前再炒，有時都有點斬獲。

（日經指數四連跌，跌破四萬關口，八成日本股票都跌，投資要小心。）

駕車接送完兒子去Nursery，由於半日，冇turnbreak ，兩星期旅遊係要請假，沒有暑假，至八月中入讀小學。回到家中，睇下BBC兒童節目，學下英文，由於正式英語太快、多連音，自己又撞聾，完全聽唔到，兒童節目一定慢及誇張，點都聽到多少，練詠春都知，不在乎練多少，重要係日日練，績少成多，股票道理也是一樣，每日賺少少就夠生活。人也是一樣，每日keep住有成長、進步，偉人都可以做到。

（炒日股要涯眼瞓，唔夠精神，唔好期望賺到好多錢，幾百元、一千元已經很好。）

炒完日股，炒英股，但英國唔係好掂，睇多過買，主要都係等下午二時半炒美股，才是正餐，每個人也有工作，只不過這工種太特殊，別人見我無所事事，全職湊仔，下午好天，又陪個仔踩單車，其實真正戰場晚上九點才完，人哋專業投資者，幾個顯示屏，我也試過用電腦，不過唔夠free，最終兩部手機，一個顯示報價，一個開住IB投資app，要出一出去，攞一部手機即可，自由自在。

八月可能跟移英家庭去格拉斯哥，蘇格蘭第一城巿，點都要去一去。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。