IB投資系列：投資前準備

 去郵輪嘆世界，仍要專注投資，許多人覺得不合理，我想問下，有些人要做直播，又唔係明星，只為多些view數，有些人永遠要相機食先，要在社交群組呃like，佢哋何時活在當下，真係為自己而活。

以往賺錢，不過幾舊水，好嘅一千幾百，幾千元就好少有，現在於郵輪，免除了一切責任，投資嘅專注力反增，捕捉了更多機會。晚晚去厠所醒來，再炒炒日股，昨日都執到322港元，幫補下都好。

開巿前，要睇睇資訊…

美股二十大成交要留意，你會知道炒家鍾意炒甚麼股票。盤前異動要留意，往往大上大落嘅妖股，就是這類，風險極大，容易被人操縱，沒有未來嘅「發啦蒂味萊」都有人炒，你就明點解，電車只有「突屍拉」及「肶訝敵」真正做到量產，其他冇得玩㗎啦，「永利暗」嘅車設計雖優，但未能量產，成本就未能壓下去，賣一架蝕一架，難以持久，若非有錢佬「背索屍」加持，豈能維持。

開巿前睇晒資料、了解晒盤前異動，心裡面就可以有個想法，將某些股票放在重點觀察名單，密切留意這些股票波動，設定買入價，如果成功買入，即時設定賣出價，因為真實情況，未必夠時間撳，機會瞬間即逝，寧可賺少點也不錯過任何機會。

(今日賺2995港元，幫補下郵輪開支，可以吧！）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。