移英日記（168）悠長假期（三）

 今日係去巨石陣…先去入滿油，用了5.94鎊，因為策略係一有機會就同步入滿油，避免冇油情況。

去巨石陣都要一小時鬆少少，中間經過小鎮，及樹木雜草夾雜嘅窄路，有的路無劃線，來回都有車，尤其驚險，轉彎位再加大車，迫到你左邊車呔磨泊，或雜草磨左邊車身，有時又有單車友，要超車根本冇位，要越過對面線，路又窄、又彎曲、又高低起伏，要去到直路，睇到冇對頭車，成排車再超車，十分驚險，人真係好自私，這些地方真係唔適合踏單車，害人害己。

巨石陣有俾錢與唔使俾錢，分別在於觀察嘅距離，廿幾鎊一個人，我寧願遠一點，用省了嘅錢去食餐好，不是更化算。

（跟住駕車去搵食，泊車2小時要2.7鎊。）

跟著去了泰國餐廳食泰國餐，我雙手合拾講了「沙華dee Club」，佢笑笑口識回應，我知道這間正宗，友人半信半疑，最後終於証實，跟九龍城吃嘅冇分別，因為都是泰國師傅主理。

今日係最後一晚留在布里斯托，明日轉戰雷丁Reading。