IB投資系列：投資係睇機遇，唔係睇利息

 做過生意嘅人都知，賺到錢係唔怕俾更高嘅息，或者俾更高嘅佣金等交易成本。波叔當年炒樓、炒鋪，用盡槓桿，俾幾高利息，但那時巿況好，賺到錢，怕乜嘢？

IB借日圓只係1.5厘至0.5厘，借得越多越平，就算日圓升1至2%，根本不覺得甚麼一回事，就算升5%，都係5.5厘，就算向銀行、財仔，都借唔到咁平嘅利息，拆倉嘅人，大部分都係息差套利，都係賺三、四厘，日圓一升就冇，勁升仲要嘔凸，仲唔走咩！次之就係趁美股高升，攞點油水嘅人，滙率上升令借貸成本上升，也會收一收水。

問題係如果巿況咁好，大把錢賺，又有誰介意融資多一點利息？人人只會怕錯失機會，故我哋重點應該問未來經濟會點？有冇錢賺？

（如果你可以肯定邊個做美帝總統，你也知道應否投資虛擬貨幣，問題係冇人知。）

（800億「鋪王」波叔當年投資要睇利息麼？投資係講時機，只要有錢賺，利息係唔會介意。反觀今日就算零息，你都唔會投資某地方。）

（投資係睇時勢，時勢唔得，就算誠哥都無能為力。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。