如果有人一日做17小時，慘過擔泥，最低工資也賺唔到，最可笑嘅連這底牌都話埋你知，拍埋這段片賺多些view數，或求觀眾多多支持…
（理財KOL，做17個鐘，最低工資都賺唔到。以佢嘅view數都有錢賺，但要請人幫佢整片，扣除成本，賺到嘅錢除以17小時，最低工資都冇。）
以前點勁點勁，只不過大行嘅資源、支援、資訊…，我都講過我以前教我經濟嘅老師都輸錢，所以投資嘅勝敗跟你嘅經濟知識唔一定有正向關係，所以講晒俾你聽又何妨！
「富爸爸窮爸爸」嘅作者羅伯特清崎，佢嘅暴富，都係靠搭雞棚、作故仔出書、用財技破產唔還錢，有限公司係有限負債，佢自己唔使上身，但別人或因佢嘅名氣投資，贏咗有得分錢，輸咗拍拍囉柚走人，最勁嗰個都係老千，其他又算甚麼，靠投資賺錢，小成功容易，但大成功卻是困難，搏嘅成份極大，分分鐘打回原型。
所以發達，都係撘雞棚，引人落疊投資，好像「杜拜王子」一樣，只不過用嘅方式，作嘅故仔不同，好像層壓式傳銷，沒有下層嘅炮灰，何來造就上層嘅鑽石經理？天下烏鴉一樣黑，幕後玩家恰各國領袖、大商家，大公司恰細公司，基金佬恰散戶，老千恰普通巿民。
你買基金，要收續費、管理費，賺蝕佢都賺，你披闖課金、俾學費，一樣賺蝕佢都賺，層壓式傳銷，只要你入會買貨，一樣賺蝕佢都賺…
攪咁多野，貪得意咩！要做福巿民，就開善堂、做義工，要得神祝福，就十一奉獻、多作服待，我寫網誌，純無聊分享，yahoo寫了10年，google寫了11年，開頭揭露詠春功夫暗黑史，現在主力講下投資事宜及移英故事，我鄭重提醒大家不要輕易信人，包括埋我，這個世界冇好人，我認識移英家庭被騙200萬又有，「鷹屍」點人買虎杖樓又有，香港人幫香港人，我呸！「黃皮樹了哥，唔熟唔食」就大把。
網上免費嘅，聽下睇下無妨，要課金就免問，我有內幕貼士或第一手消息，一鋪已可富足三代，何需收這些披闖課金、著意YouTube 有幾多訂閱、俾like、留言…這些雞碎錢，咪玩喇！投資要長時間學習，也要長期留意時事、經濟，也要成功不驕傲，失敗不氣餒嘅各個挑戰，唔係咁簡單嘅！許多人只求一個股票號碼妄想發達，拒絕思考及尋真，倒不如買重人壽保險，跳樓都可祝福一下家人更好。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
沒有留言:
張貼留言