去郵輪，我唔會特別興奮，我只會著意能否上網？能否投資？順利做買賣？這讓我感受上一代老香港人，只顧辛勞工作賺錢，忽略家庭，其實都係一種愛，讓仔女有好教育、好生活，能夠黎到大不列顛，你估真係唔使錢麼？已用了100萬港紙…
郵輪能夠俾人有興奮，是每晚嘅大型表演，帶小朋友其實不適合，中途已睡了，要抱住返房，路程都唔近，你知架郵輪幾大，雖然「歪芺」已醒目，選較中間位置房間，海景露台房凹入去，有阻隔，視野冇咁好，但返房最多行半架船距離，不過我都唔想兒子捱眼瞓入場，抱佢走。
4D射擊遊戲都過癮，但遊戲機偏少，少過我以前做嗰間遊樂場，但好處是有托管服務，兩條老野可以去賭場走一走，「歪芺」只為玩老虎機，對我們來說只不過成人機鋪，我唔覺得係賭，just for fun，純粹係你自己心態決定，賭場磨爛蓆一定輸，機會率問題，要賭都在IB嗰度賭，唔係，係投資，可孖展槓桿幾倍財富去玩，好快做富豪，但更快要跳船（自殺），用衛星上網在公海投資，我都係第一次。
最後冇輸平手離場，雖然「劇鮮勞」有非吸煙區，但隔離係吸煙區，冇意思，都係一陣煙味，好似我以前細嗰唔讀書去嘅機鋪一樣。
至於自助餐，已食到悶，晚餐可在指定時間去指定餐廳，友人買了全餐，去了食日本野，我哋去指定餐廳，大排長輪，加上華麗之夜，個個都穿得高尚，「歪芺」覺得唔自在，其實旅客都係一半一半，佢哋唔可以因此不招呼我哋，我說：朱克伯格日日都係嗰件灰色T恤，又有誰介意？「歪芺」串我：你又唔係朱克伯格，最後又要悶多晚食自助餐了。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
沒有留言:
張貼留言