移英日記（170）悠長假期（五）

 終於由雷丁出發去修咸頓，車程一小時鬆少少…

將車泊在港口已俾錢訂嘅停車場…

等候上船…

上船…

早到船都未可上房，因未執房，但可去門口取匙咭去大堂激活，預定一些活動。「歪芺」幫我攪郵輪上網，變了佢自己部機上網，局住用佢部機做買賣，界面有點不同，係冇咁習慣，希望去到公海能順利買賣吧！如果做唔到買賣，佢就知死，分分鐘唔見成皮野，不過為免影響旅遊氣氛，忍住怒氣。

甲板播歐洲國家杯，英格蘭對瑞士，氣氛極佳。

中途「歪芺」要睇開船一刻，我帶兒子去玩game，後來兒子要找媽咪，沒有理我，也沒有告訴我想點，問他也沒說，越走越遠，令我很勞氣，但後來他以為爸爸不見，卻哭起來，我知道他其心不壞，也感到一點安慰。

郵輪對我來說只不過將商場、酒店放在船上，跟我們自駕旅遊差不多，只不過集中一點。晚上嘅歌舞show是全日嘅高潮，要預先預訂，氣氛很好，雖然我英文水皮，但也聽出不少以前英文歌，只是兒子中途已頂唔順睡著，離開要抱著離開。