移英日記（436）亞洲食品節

 今日去Costco，又大出血⋯

又用了190鎊多，二千講元。主要係買厠紙、洗衣球、洗碗球、肉類、餃子、泡菜、日式豉油、蠔油、蘋果、橙⋯仲有「唯它」檸檬茶，24包連VAT13.18鎊，5講元多一包，一般西超要1鎊，約10講元。

臨走必食1.5鎊餐，熱狗+汽水。

我在「漁村」做「咕喱」，唔係教師、社工等專業人士、公務員，沒有資格做「好巿多」會員，有人推薦也可以，但要入會費，雖然我知間公司嘅收入是靠會費，不是靠賣野，經常買就必賺回會費，但物品多數優質，價錢也不便宜，而且要買大量，總會食多咗、用多咗、用好咗⋯所以這裡可提升生活質素，但無助慳錢！

帶我們去「好巿多」嘅講人，係退休人士，唔使做，本來在「漁村」考了車牌過嚟，諗住要揸車，點知這裡退休人士搭巴士免費，車都唔使買，這次我車埋佢哋，佢哋買了新樓，每日去健身室保持健康。教會又有一對夫婦，仔都唔生，又唔使做，日日駕車遊車河，根本唔care油錢，唔好以為「移嬰講人」個個係乞衣，好多都係嘆世界，只有我呢啲窮鬼仲要涯，仲要睇實個巿，仲用緊「埃峰11」，暖氣又唔捨得開⋯。