IB投資系列：淡淡定，有錢剩？

 巿場大跌，一定要知歷史。

有的人已賺了錢⋯

期權唔使揸到到期，當低過嗰個位已可平倉止賺，我深信某些唱淡嘅基金佬已獲利。

好坦白講，AI嘅夢，應該未完，但巿場已經嚴格咗，當通脹加劇，利息急升，對嗰啲要靠融資運作嘅AI雲端公司，如「啊域求」、「托喂」，衝擊最大，但對於本身已有現金流嘅公司，影響相對較細。

我自己負債三球半加一手蟹貨，都要做啲野⋯

到價嘅，就速速變賣，執返多少，13301講元，幫補下，沽唔出、或未係時機，就做call option，加埋put option，Chok夠兩皮期權金。

早前欠三球半，利息每月要皮半，現在沽咗三隻，欠債減至兩球六，利息應該一皮鬆少少，沽嗰三隻已夠俾利息喇！只要有現金流，就唔使驚，你睇啲公司也是一樣。

（有的公司好平，但極之波動，科技股低過5倍PE，有冇攪錯，但有週期性，股價波動，要極之小心，好多睇淡嘅基金佬落了沽盤。）

（「馬屍黑」連「飛天車」都做咗出嚟，股價唔通會變零咩？大把富豪想買，倒不如擔心「發拉脷」、「腍寶堅離」等名車好過啦！）

（基金佬「咪膏啤梨」落了沽盤，留意佢冇繼續沽空「揮撻」，反沽NDX、SMH，整個科技股都死？整個半導體都死？果然係大淡友，係咪真呢！要憑自己智慧判斷。）

（表面冇沽，實質繼續沽，因「揮撻」、「抬漬殿」佔指數比例最大，要小心！）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。