呢個世界，唔會有人教你發達，教得你嗰個都發咗，唔使做咁多野，做人唔好咁天真，嗰個「富爸爸、窮爸爸」嘅作者，被記者問到口啞啞，原來「富爸爸」根本係不存在，只不過作「故仔」Cap水，唔係話本書垃圾，但重點一句話講晒：「購入資產、減少負債」，單單這句話賣唔到錢，唯有作故仔。
攪生意，九成九都係輸，點解仍有人攪？因為利潤豐厚。至於投資，也是一樣，而且入門容易，尾股可以一股一股買，手續費1尾元左右，任何人都可入場。而且都係投資在一些已成功上巿嘅公司，照計這些企業唔會一夜歸零或消失，但波動之大，足夠chok死所有槓桿，好似「衫昇」及「SK凱歷事」唔通會一夜歸零或消失麼？當然不會，但股價波動，就足以讓許多「藍寒人」破產！
我哋要攪清楚死因，如果唔係用食飯嘅錢去賭，根本唔會死。如果用你自己擁有嘅錢去賭，根本唔會死。2倍槓桿產品不過是加速器，輸晒亦不會死。問題係借錢投資，仲要槓上槓，買槓桿產品，一有少少波動就立刻死亡。
財富係一點一滴，再經過複利效應而來，關鍵係合適嘅投資及時間，偏偏人總係喜歡一夜暴富，所以換來嘅結果就係一夜破產。如果你二、三十年前，月月買「爸運」或「彪譜五百」，根本唔使聽我廢噏啦！現在於加勒比海嘆世界，呢啲垃圾文章睇都嘥時間！
不過咁，呢條橋可唔可以永遠玩落去？冇人知，正如上一代教落：讀好書就成功，在今日亦都成為疑問，「爸運」已經唔係由「爸飛突」主理，「彪譜五百」也是賭𡁵「尾國」嘅國運，「尾國」最成功係世界大亂及孤立主義，現在攪風攪雨都係為保「尾國」再偉大，好快就會撤出「忠冬」，點完火就走人！
好似國師「塵暈」咁講，做人最緊要定，就可睇通世界發生乜嘢事，「突郎浦」唔係傻，每一步都經過精心計算，跟足既定嘅劇本進行，只不過凡人不知道。
現在有兩班人賭𡁵，一班認為AI會崩盤，因此累積現金。一班認為AI會改變世界，因此繼續投資。過往幾年，崩盤論者跑輸大巿，因為只靠購買短期「尾債」維持，未有食盡AI紅利。但隨著各國債務問題嚴重，通脹失控，即使相信AI可改世界，也不宜過分進取，最近AI威脅論盛行，不過為減少投資部署，讓巿場唔會有過激反應！
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
沒有留言:
發佈留言