如果我係讀書嘅人，就不會今日淪落到如斯地步。
早在年輕時，如果完成護士課程，唔升職都攞頂薪，仲有免供15%退休金，幾十年累積，退休也安享晚年。
不過即使唔係讀書材料，在出面工作，也學了企業管理之類課程，實際有冇用唔知，叫做有啲野揸手，做福利工作員時又想下會唔會讀社工，至教會工作又想下會唔會讀神學，後來又學了釘板及金屬棚架，又想下讀管工⋯後來移「嬰」，知道未必搵到食，又學了甚麼「嬰國樓槓桿大法」，點知許多野是不能用，衰咗會失去永居及入藉，又再鑽研股票投資⋯。
現在雖然已考晒試，但仍繼續用軟件「度零稿」學「嬰文」，記得不多，叫做keep住。
又再鑽研結他，當年電腦倉頡輸入法都係自學，Why not? 一把年紀，黏晒貼紙，做晒記號。
現在咁學，「王加區」就做唔到，「勾萃強」彈下民歌，或許仲得。
買了塊滑板俾個仔學，佢已經識單車、滑板車、滾軸溜冰，因此平衡都OK，已可上板，但達唔到目標，就容易氣餒，我自己唔識，但上網已學了一些技巧咁教佢，但沒有親身示範，睇嚟都係要迫我出手，自己去學，做了榜樣，如果一把年幾也可做到，何況佢咁年輕，怎會做不到呢？
我都唔想開咁多範疇，太多心，樣樣都學不成，我仲有詠春拳呢！都係環境做就，好多遊戲都沒有時間玩，有時間也不代表有心力，甚麼「三國志」都沒有時間玩，以前好似只玩了2、3、4、5，跟住嗰啲都唔係太記得，仲有大戰略，有遊戲機及電腦版本，其中世嘉五代嘅超級大戰略，用老翻模擬器就玩到，以前係用咭帶玩，背景音樂係各國國歌，仲有好厚嘅說明書，介紹二戰武器，好有味道⋯仲有格鬥遊戲，拳王、龍虎之拳、街霸⋯真係冇時間玩，好陰公！
沒有留言:
發佈留言