好多功夫吹就得，唔打得

 我很喜歡睇動物嘅打鬥，究研佢哋點解會贏？點解會輸？答案總離唔開格食格，大贏細、強勝弱，呢個最簡單嘅叢林法則，但有的動物，卻有特別技能，可以完勝一樣身型嘅動物，甚至獵食比自己略大嘅動物，例如：螳螂、蜘蛛、蜻蜓，成為昆蟲界頂級嘅獵食者。

不過無論幾強勁嘅螳螂，面對雀鳥，根本不算甚麼，成語：「螳螂捕蟬，黃雀在後」，就很清楚表達出這意思。根本唔係同一個level，冇得打，搏擊也是一樣。

搏擊分三個level：興趣班、業餘拳手、職業拳手，甚麼國術、詠春之流，長期停留在興趣班水平，吹就得，打根本就唔得，花太多太多時間在技巧，九成在黐手，人哋用同樣時間，練更多嘅拳、踢更多嘅腳，攻擊係最佳嘅防守，邊個會贏？好清楚，就算大家都係興趣班，這些技巧在實戰面對其他功夫，十分一也用不到，拳擊、泰拳永遠係贏家，我仲未講，好多詠春嘅手法仲係有問題，流流地，咁去死好過，學甚麼功夫？

螳螂嘅狩獵技巧再高，面對黃雀係冇意義嘅！因為根本唔係同一個level。

（國術最叻都唔係打，係吹，以前在武館吹，現在改在網絡吹。）

（漫畫「聖鬥士星矢」，一輝是最強嗰個，只因佢唔係主角，作者車田正美永遠將最後嘅大佬都係交俾星矢打，一輝大戰沙加，係我最喜歡一幕，面對最接近神嘅人，未開眼嘅沙加已打贏一輝，就好像「西遊記」中嘅孫悟空面對佛陀，即使武功高強，也是無能為力，因為唔係同一個level。）