IB投資系列：富爸爸也是老千

 這個世界會有人教你發達麼？秘芨就是找更多妄想發達嘅儍瓜。

教人發達嘅人，自己都係老千，「菁英的大騙局」，寫書嘅人原來都是騙子，富爸爸根本是羅伯特清崎虛構嘅人物，在「富爸爸窮爸爸」大紅以前，羅伯特清崎根本算不上富有，咁即係代表甚麼？佢並不是靠理財知識發達，而係靠出書成名後發達。

就如許多網紅，都吹噓自己怎樣怎樣，原來跟杜拜王子嘅騙局一樣，只不過撘雞棚，引人落疊。

這是我一直強調嘅問題，風水佬如果咁勁，自己已可幫自己改運，讓自己富起來，何需幫你改運？靠收取你嘅費用富起來。

寫馬經、評馬人、股評人如果咁勁，自己已可賺取，何必教你？尤其是YouTube，100萬view才得五皮，講到口水都乾埋，識投資嘅人都知，根本付出跟回報不成比例，至於訂閱、俾like、睇廣告、披闖課金、課程費用…呢啲雞碎錢，咪玩喇！

正所謂：「光棍佬教仔：便宜莫貪。」咁簡單道理都唔明？羅伯特清崎係老千，騙得到錢，點都有啲料子，「購入資產、減少負債」是致富根本也是對的，但需要長時間運作，到我們退休嘅時間，確實是無憂無慮。但真正讓他暴富係撘雞棚、作故仔出書、用財技破產唔還錢…全部都係下三流手段。

真正要讓自己富有，首先是慳錢，過簡單嘅生活，累積財富，投資在穩健項目，利用雪球效應，有一大嚿錢，再透過做生意、投資，或者發掘自己才能，對人類有貢獻，財富只不過副產品，伴隨而來。

大部分人都想俾錢攞捷徑，唔願意付出，我當年初出道，一萬元收入，去中銀做零存整付，每月供七千，後來加了一些人工，第二年供八千，後來已有足夠金錢去渣打銀行開優先理財，只為每年做訂期唔使排隊，後來一鋪清袋、一落千扙、一沉百踩…就後話了。

（美股休巿，冇得炒，我晨咁早起床，記住我在英國，炒日股，賣晒之前嗰隻，賺1210元。錢唔會天跌落嚟，你唔好以為我去旅行咁爽，係要付出的。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。