其實每個人也世俗，也自我中心，追求金錢、名譽、地位、權力，目中無神…。
只要細心分析，成功人士、專業人士，跟巿井之徒、古惑仔、監躉…都係一樣，都係要撘雞棚，要上位，完全係一模一樣，只不過大家起點不同、資源不同、技能不同，才會有不同法門，去達至他們成功嘅道路，有正財、有偏財。
父母點解要住名校區，也要撘雞棚，英國點解要讀哈羅等貴族學校，就是讓子女跟高官、富商子弟做同學，建立人脈，讓他們日後成功。做醫生、律師、工程師、會計師…搵到錢又有社會地位，仲可以一步一步上，真係冇問題？合道德？幫country做野，分分鐘領導人都有得做…
唔係因為成功就做英雄，受萬人敬重，失敗就做監躉，受萬人唾罵。重要嘅係我哋係一個點樣嘅人，如果想幫人得到健康而做醫生，又或者因為欣賞對方才華，心生愛慕，而不理年齡差距走埋一齊，也是值得敬重。就算係殺人，如果在戰場上抵抗入侵者，保護自己嘅國民，也是值得尊重。
到了審判那日，有些人做盡所謂好事，神卻不認識他們，將他們送到地獄，有些人好像甚麼都冇做，神卻大大奬賞佢哋，原來做在弟兄中最小嘅一位，等於做在神身上。如果我們只做人見得到，榮耀嘅事、偉大嘅事，卻不做一些冇人見到、卑微嘅事，咁係冇作用，因為神睇人嘅內心，唔係做咗甚麼野，你個心好，好像甚麼都冇做都上天堂，心有淫念，沒有做強姦等壞事，卻要落地獄。人間法庭，係實質做了算數，神嘅審判，想了已經做了。
以前在教會界，講股票係禁忌，因為很自然與貪財聯繫，係罪嘅一種。但隨著社會開放，有做基金經理嘅弟兄，也不覺羞恥或唔好意思，至「強迫金」出現，有些談論，我也要甘拜下風。股票本質冇變，以前邪惡啲，現在變善良啲麼？又或者自己買股票就邪惡，基金佬買借刀殺人就變善良麼？荒謬！
是善？是惡？全在乎人自己。
沒有留言:
張貼留言