IB投資系列：盲拳打死老師傅？

 我跟「歪芺」（Wife) 各開IB英國免稅投資戶口ISA，大家用20000鎊（20萬港元）股本，鬥一鬥邊個賺更多錢。

我又冇「刀仔」咁本事，20元賺2500萬…

用20000鎊，我都可以賺少少錢的…

第一日20316鎊。由於用英鎊買美股，有滙款費用及滙價波動，買嘅時候，戶口會負美元，系統會自動用英鎊平倉，到賣出美股，又出現正美元，由於ISA戶口以英鎊為主，又強制兌回英鎊，IB嘅ISA戶口要收取0.03%外滙費用，加上一買一賣，滙兌差異，因此實際價值有少少不同。我淨係睇個大數，賺錢就可以了，手續費、外滙費用、滙率差價，咪當交易成本，做生意都要㗎啦！

第二日20539鎊，星期五唔好冒險，宅太多貨，最好清倉，如果成本低可以留，搏取下週較大升幅。

投資不能用一兩日計，要用一年去計，好似以前做地盤，散工日薪較高，但真正賺到錢、儲到錢，反而係公司工，因為公司工落雨咪等停雨再做，不影響收入，散工叫你收工或唔使返，個判頭衰，車費都冇俾，遲出糧、走數，更屢見不鮮。如果股市大跌，成舊錢投資在指數基金，效果更佳。

以暫時成績計，「歪芺」只有20167鎊，我以20539鎊，暫時領先，「盲拳打死老師傅」，暫時都未講得通。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。