IB投資系列：十個理財KOL，九個流

 這個世界有三類人：

一、有錢嘅人

二、錢小嘅人

三、冇錢嘅人

原來真正可以投機嘅人，一係你係有錢嘅人，因為你大把錢，輸得起。一係你根本冇錢，爛命一條，你可以搏。絕大部分人都係錢少嘅人，不可以投機，冇得搏，承擔唔到其中風險。

巿面上有不少理財KOL，有的聲稱過億身家，但用甚麼貨幣計算？有的資產係有槓桿成分，要計剩值…有的就說自己曾在投行、大行工作，知道晒巿場運作…總言之，就係年輕有為，財務自由。

究竟什麼葫蘆賣什麼藥？

我嘗試用自身經歷去理解一下，如果投資賺到錢，又何需攪咁多大龍鳳？YouTube100萬view才大約收五萬，即係每月出10套片，每套10萬view，又或者每月出20套片，每套5萬view，怪不得YouTuber 天天出片，都係當返工。

但問題係你已經上了岸，何需咁辛苦？我嘅倉頡打字快，打幾隻字出下網誌亂吹下，當然冇問題，D片越出越勁，後期工作極多，浪費時間，如果專注投資，回報豈不更加可觀？

問題係股巿有不可知嘅部分，你永遠唔知幕後玩家幾時舞高弄低，要穩陣，回報就唔會高，期油負數、股債齊跌，這些經典場景，讀經濟都估唔到會咁發生…所以專家都死。

以前漁村買鋪嗰啲夠勁掛？身家億億聲，比甚麼理財KOL勁不知幾多倍…

咁現在呢？

教人賺錢，搭個雞棚，咪好似上面條友一樣，你投資咗佢嘅基金，你咪一樣仆直，佢繼續賺你管理手續費。

「咁大隻蛤乸隨街跳」，如果咁易賺錢，我自己all in咗，仲會教你咩！理財KOL講嘅野，基本上都係正路，聽下冇妨，但如果要「彼闖」科水，或要你俾錢上甚麼課程，就冇謂了。

現在個巿係點，大家都知，要審慎為重。

（地產龍頭新鴻基都死，何況新世界？你點死600億出來？）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。