最近美股下跌…
許多人都中招，股票係有上有落，如果唔係點賺錢呢？以下所述，純粹個人分享，沒有任何投資建議，鐘意睇就睇，唔睇就get out，唔好意思，讀得書少，講野粗鄙，冇訂閱、冇得俾like、冇俾闖、冇廣告…甚麼都唔需要，要錢就喺股巿度攞，唔使要觀眾俾錢，嗰啲美其名支持製作，賺錢咪賺錢，講錢嘅都唔直接啲，冇錢途。你哋賺到錢係你嘅本事，輸錢係你嘅功夫不足，無需X我，係咁多。
某知名晶片股，不住下跌，一則巿況，二則大股東沽貨，這是你們明明知道的。
股票唔好一次過all in，要分階段陰啲陰啲買，120元渣，118元再渣，見勢色不對，升少少122元全沽。
117元渣，114再渣，見勢色不對，彈番少少116.5元全沽，平均成本高少少走人，唔使蝕錢。
114元渣，116元沽，賺2元走人，114元、112元、109元、106元再渣，彈番114元全沽，最初買係114元，最後賣又係114元，不過溝了貨，成本價低於114元，賺5810港元。
又講下某寶島晶片製造股…
呢啲股票都係越買越跌，160元渣、158元、156元再渣，彈番164元全沽，賺6990港元，31/7兩隻股票賺一皮鬆少少。
我唔係話自己好叻，好坦白講，「講股」都短時間唔見三十幾萬，點解？你問下「你加昭」，我想講真係投資嘅人，係唔會為100萬view賺5萬而不住拍片，日日十幾小時，你估你係電影人咩，浪費時間，當然搭個雞棚亦可以幻想做另一個「富爸爸」，不過「富爸爸」並不是普通人物，而係超級老千，你估咁易做㗎！蝕錢執咗去，投資者承擔晒，賺錢有錢分，你估個個做得出，道德水平要有番咁上下低才做得出，而且次次唔使上身，財務及法律都有認知才能做到，人人搭雞棚想做「富爸爸」，發夢吧！今晚早啲唞！
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
沒有留言:
張貼留言