移英日記（182）退役做馬會不可恥

 英國暑假，我聽聞有人去巴黎睇奧運，真係有錢，令我明白貧窮限制想像，因為我從來沒有想過這個選項。

知道「鄉講人」得到奧運奬牌，倒是開心的，但聽到一些花邊新聞，內心卻有一些糾結。

人始終都係人，唔可以對人有太高要求，封上太多道德光環，實在沒有必要，其實簡單一點，單單看其成就，不要對人有太多假設及期望，佢打劍叻，咪鼓掌、讚賞，係咁多。如果要計算咁多，又要睇家庭背景、學校生活、朋友關係、感情關係、性別取向、政治取向…咪玩啦！咁攪法，任何偉人都唔值得讚賞了。

至於搭雞棚，為自己謀劃，任何人都會咁做，你都唔能怪邊個，運動員唔可做一世，米高佐敦、碧咸又拍廣告又做生意，冇人話佢衰，至於在天朝讀書，如果你不移民他國做所謂「二等公民」，漁村、天朝學歷又有甚麼分別，如果講真話，這兩地也不可能畢業。

我知道有不少敬虔嘅信徒，仍然在官場、商場、福利界…委曲求全，佢地都知道有些事唔合理、欠公義，但如果要留在這裡，你都係要接受，勤奮工作，並不可恥。反觀有些嚟到大不列顛等自由國度，為求利益，甘願繼續為「正拳」做監控、壓制嘅工作，為拍片增加流量，在自由國度高舉天朝國旗，做一些天朝人先會做嘅低能野，表示自己如何愛國之類，這才真正可恥！

（大不列顛很多天朝人搞搞震，天朝咁好，點解唔返去？）

（大不列顛係君主立憲，君王沒有管治國家，權力在執政黨及首相，點解「鄉講人」懷念事頭婆？因為以前嘅日子比現在好，就係咁簡單。）