小兒嘅Judo班終於教「大外割」…
我雖然係詠春派，但對於其他武術都有一定認知，唔會好像一些所謂「師傅」，沉醉於黐手世界，對出面世界一無所知，好像「盲毛」一樣，夜郎自大。但我永遠堅守一個原則，俾得人教，自己就唔好出聲，由得佢錯，等教練指正。
小朋友學武術，段數係用年來衡量，急都冇意思，盡量享受過程更緊要，正所謂：「知之者不如好之者，好之者不如樂之者」。
這裡嘅教育，唔係我哋咁諗既，大學生寫論文都錯漏百出，因為佢哋冇串字，亦沒有練文法，雖有學拼音，但拼出來未必一定對，佢認字能力有幾高，全在乎佢有幾喜歡閱讀，學校有書帶番嚟，下星期又轉第二本，但你睇唔睇，唔會理你，小朋友按著自己性向決定，所以讀到書嘅，「蝦你菠突」咁厚都會睇，唔讀書嘅，一頁紙都唔想看，用自然法則將人分為學術派及工藝派，然後再由當中嘅精英，通常都係學術派，選取管理階層，這就是這裡嘅奴隸制度。
鄉講用考試去分，這裡最終都用，但早前已知七七八八，書都唔睇嗰啲，字係認唔到，寫句合文法嘅句子都成問題，注定做工人，但這裡專業藍領人工也不差，所以這裡嘅人係唔會介意。其實諗深一層「鄉講」都係一樣，讀唔到書，寫隻字都有困難，但講係完全冇問題的，嬰國人也是一樣，講係冇問題，但唔係個個寫到認到字。
「鬚革難」土地及人口雖少，但近代創新科技卻奇多，例如：蒸氣機改良、電話、電視、電磁感應、麻醉劑等等，未來創意科技一定重要，就需要土壤及空間去孕育，如果單單催迫做功課、考試，只能培訓勤奮嘅工人，卻不能產生具創意嘅人才。
沒有留言:
張貼留言