IB投資系列：居安思危

 當減息發生在經濟已在極差嘅時候，就好像大病臨死嘅人，最好嘅藥都會回天乏術。當資金仍樂不思蜀，投放在估值過高嘅增長股及風險極高嘅虛幣，危機已經出現。

世界嘅劇場，劇本已經寫好，結局已經定了，只不過觀眾唔知道，仍然蒙在鼓裏，個病人推了入ICU，究竟仍然可以得救？還是回天乏術？幕後玩家會暫時唔割韭菜？割一半韭菜？還是全割韭菜？

投資一定要居安思危，諗到最壞最差嗰步，回天乏術、全割韭菜、骨都冇剩！你話我危言聳聽又好，話我陰謀論又好。

攪埋啲虛幣，又話去中心化，又話甚麼甚麼，講到尾都係搵替死鬼接尾債，「衝名」法案已經露咗餡。買虛幣要兌換穩定幣，就好像去賭場兌籌碼，但諗深一層，籌碼要有人去支持嘅咩？籌碼嘅信用及價值係來自賭場，要賭錢嘅人自然會去賭場，自然會兌換籌碼，咁好心有人會推廣，鼓勵人去賭，而佢唯一嘅價值就係用來賭錢，冇人賭錢，籌碼就冇價值，所以第一步要讓籌碼有價值，第二步要用尾元、尾債做支撐，第三部要讓佢不單用來賭錢，更可進行交易。今日那些通脹過百過千嘅國家，這「籌碼」滲透率已達三成，當好多國家減持尾債，唔緊要！大把人幫尾帝埋單！

呢個世界就係咁黑暗，尾帝加息減息，尾滙一升一跌，尾帝背後嘅財閥已經可以全球割韭菜，今鋪竟然冇收穫，或收穫大減，原來有人從中作梗，又攪甚麼「仁文幣」互換協議，等這些國家用垃圾貨幣兌換「仁文幣」，然後再由「鄉講」兌換回尾元，咁佢哋有尾元，避免割韭菜了。

正所謂「阻人發達，猶如殺人父母」，咁你估尾帝會點樣做呢？自己諗吓啦！

（老吹完，都要搵錢，今鋪賣了十張期權，賺1169尾元，9118講元（未計手續費），九千蚊吧！友人建議由上星期五賣出期權，期權金會更多，然而要多了星期六、日，變數會增加，風險跟回報係成正比，錢係多了，接貨或強制賣貨機率也上升，要小心衡量。）

（AI是晶片時代，你都要買啱，然後先會賺錢，股神「爸飛突」沽「抬漬殿」，我抄功課照跟，錯過發達機會。）

（有邊個可以隨著年幾增長，財富也增長呢？）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。