移英日記（354）不要做虎爸虎媽

 小兒星期五返半日學，去游水班，星期六去Judo班，我貫徹俾人教原則，俾得人教就唔好理。

只要個仔喜歡Judo，已經OK，不必強求學到甚麼招式，將來做到甚麼搏擊冠軍，唔需要，6至12歲嘅小朋友最緊要讓佢哋有成就感，他可以玩到單車、滑板車、滾軸溜冰，現在又去學swimming 、Judo，此生無憾矣！回想以前自己甚麼都冇，中學跟同學去沙田踏單車才學到單車，游水已經係幾十歲人嘅事，成長越好，佢哋就越自信、成功，知道將來自己行怎樣的路。

如果要名成利就，做嗰啲父母鋪嘅路就可以。人人都係想向上爬，我嘅父母係「賤奴」，好過羅興亞人少少，走難來到一個新地方，自己唔好，都想子女更好，無可厚非。今日有的父母提早送他們去補習班，都為偷步學到下一階段嘅課程，以致他們輕而易舉取得優越嘅成績。偷到偷無可偷，甚至要「贏在射精前」…

這個世界已瘋狂，如果跟埋咁走，你都會痴咗線！

韓劇「退貨兒童」講嘅就係父母都要完美兒童，一旦有瑕疵，就退貨，即使養到幾大，也要在世界消失，殺死佢哋，埋在石屎，兒童只不過大人嘅消費品，係十分可怕！

有的移嬰講人，環境改變了，但心態完全冇變，仍然要找甚麼補習班之類，我覺得學野唔會係錯，問題在於心態，好似我早前帶個仔學足球，唔係要佢做「迫鹹」、「屍郎」，只係俾佢試多啲，找到自己嘅興趣，建立自己，佢冇心機學，掛住同人傾計，就cut咗去便算。