廢柴詠春阿！你要獻醜到幾時呢？
勝敗乃兵家常事，如果詠春真係打得，就應該有贏有輸，而唔係多輸少贏，而唯一打贏，只有打贏女人，真係好笑。
我聽過師傅講過，詠春係專科醫生。眾所週知，要成為專科醫生，一定要做普通科醫生實習多年，然後才可以做專科醫生。如果未經過普通科醫生嘅過程，直接當專科醫生，結果會怎樣？咪醫死人囉！
宗師真係打得嘅徒弟，全部都食過夜粥，已經修習其他武功，打交多過食飯，詠春賦予佢哋嘅意義，係改善他們橋手嘅運用，提升佢哋戰鬥力，如虎添翼，如果你只係一隻鼠、一隻貓，加了對翼對戰鬥力有何幫助呢？正如一個沒有醫學技術嘅人，即使授予專科醫生嘅知識，也只會醫死人。
所以搏擊嘅真道，係如何讓你變強，成狼成虎，唔係加了對翼，也文也武！我自己也身體力行，送兒子去學Judo（柔道），無謂自欺欺人！
（你唔係相信你學嘅詠春可以打得？）
沒有留言:
張貼留言