移英日記（355）做高機率嘅事

 移民到另一個地方，有的人係有得著，生命有反省、有成長，有的人失去事業、金錢，甚至婚姻都失去埋，有的人個仔都死埋，有的駕車撞死人坐監，自由都冇埋，坐完監更會被遞解出境…

同樣一個人，有人成功，有人失敗，有人富貴，有人閉翳，有人天真以為做YouTuber 便可以，睇清楚先喇…

做到頭嗰十位都ok嘅，八千幾到十萬講元，一般都有兩皮，正常人夠使，有仔女又移民，這幾年通脹勁，要兩皮半至三皮（冇自住樓要交租的話），要做到頭十位，算唔算高機率呢？

在人世間怎會有公平公義，如果按照摩西律例，以眼還眼、以牙還牙、以命抵命，你令人失去生命就要用自己嘅生命償還，咁就代表公平嗎？

邊個會知移民會好？還是差？同樣也冇人知留講會好？還是差？再者，人生就係眾多決策出來嘅結果，並非單單移民一個決定，如果作為駕駛人，無論單車又好、電單車又好、私家車又好、垃圾車又好，大家都小心翼翼，安全第一，那麼意外發生嘅機率也大大減少，當然呢個世界會有一啲無妄之災，例如，曾經有人要跳樓，但撞倒途人，最終途人死了，自殺嘅人卻執返條命，係最唔應該、最荒謬，但荒謬嘅事就係天天發生。

做人，都不過做高機率嘅事，我不會怕有人跳樓會撞死我而不出街，也不會因為駕車會撞死人而不駕車。啲家長叫仔女努力讀書，道理也是做高機率會成功嘅事。我叫人今日投資要忍下手，也是一樣道理，當日我哋嚟「嬰國」，都知道係窮鄉僻壤，只不過覺得佢遵守承諾嘅機率較高，就好似你做生意搵拍檔，都唔會揀最叻嘅人，而係會揀一啲可靠度較高嘅人，一樣道理。

「嬰國」信用度係ok，雖然已降了不少，但對比「家𢲡帶」、「寶島」嗰種背信棄義，永遠唔會講清楚，要你知難而退，光環已經攞晒、資金已經賺晒，就係唔想要你哋班契弟，甚麼「救生艇」，「煲說」！

（唔俾你永居，又冇工作、又冇醫療，仔女讀大學要俾國際學生收費，等你知難而退，十分仆街！）

（寶島真係有寶咩，你嚟玩下OK，移民就唔好嚟！）