移英日記（356）窮人恩物

 友人介紹too good to go嘅app，當鋪頭賣唔晒啲野，就會在app展示出來，平價賣出，可能會執到好野。

我在app內買了Costa咖啡店嘅食物，要2.99鎊，都唔知有乜嘢？

全部牛角包，中間有兩個杏仁牛角包，一個朱古力酥，都係牛角包嘅質料，平均每個三個幾講紙，平均價錢好像平，但讀過經濟都知滿足感會隨著數量遞減，如果有多款包、蛋糕、甜品就抵嘅，但人家賣唔出，永遠好隨機，不一定有著數。

我攞貨時，後面又有個印巴裔嘅人攞，我就明晒，對有多個小朋友嘅家庭，俾晒同一款包係冇問題，但我自己人丁單薄，一收貨就O嘴！

這次再接再勵，睇下有甚麼貨…

全部都係即日到期，佢仲俾多兩個pizza俾我，因為過期野，佢唔可以賣，合共25鎊幾，用5鎊買，5倍槓桿，好過IB孖展買股票。

我自己用正價食偽日本野都負擔得起，因為佢哋講廣東話，肯定唔係日本人。