以前有人要反對地產霸權，堅決在一年內唔幫襯地產商，其實係嘥氣，因為佢哋已滲入各行各業。正如有人話唔用天朝貨，也是嘥氣，佢係世界工廠，你用嘅手機，甚至電車嘅電池，也在這裡生產，根本避不了。
尤其大不列顛呢啲窮鄉僻壤，物資缺乏，要買又唔容易，價值、款式也不理想，「伊卑」(eBay)、「阿麻信」都可買天朝野，但不夠貼地，價錢也較貴，都要用「亞厘極砒」(Ali express )、「天無」（TEMU) 等電商，才能買到天朝黑科技。
不過說老實話，這裡嘅買嘅貨跟「途寶」、「PDD」完全一樣，「天無」咪即係「PDD」，但要由地球一邊送到另一邊，嚟到大不列顛仲要透過本地送貨佬EVRI，再加20%消費稅，所以價錢已經係兩回事。但對比本地鋪頭買仍有絕對優勢，因此細鋪肯定冇得做，大鋪仍可以，嗰隻嬰國超巿reit（SUPR）收7.9%息，應該唔會死，不過別忘記嬰國通脹嚴重，早前通脹十幾個%，係咪賺錢呢？有人話嬰國樓收6厘息係咪賺錢呢？自己憑智慧判斷了！
我自己好實際，嬰國買電池十分貴，但充電池並不理想，又要放電，又充得慢，又要打孖充，唔買天朝黑科技都唔得，又鋰電、又唔洗放電、電壓又穩定，仲有八爪魚叉電，充一粒又得，四粒又得，當然自己衡量風險，如果一充四咪插大力火牛，同埋一定日間有人時間才充電，不能叉過夜。
「平菓」出新手機，毫無創意，我繼續用「埃瘋11」，咪玩喇，浪費時間，股神又繼續沽。「突屍拉」一出手機，望到天就可上網，AI已幫助你編好行程，電車自動車你到目的地，去到餐廳已book好位，app都唔使用已幫你處理好大小事務…。
沒有留言:
張貼留言