IB投資系列：不必交稅？

 「歪芺」終於計完盤數，蝕錢比我想像中多，非但唔使交稅，仲可以退稅，真係莫名其妙！

這跟運算方式有關，買入「尾股」嘅價格要兌換當日「嬰鎊」價格，售出「尾股」嘅價格也要兌換當日「嬰鎊」價格計算，由於滙兌問題，賺錢可以變蝕錢，蝕錢可以變賺錢。

友人用免稅戶口ISA炒股，就正正出現這問題，明明係賺錢，最後卻蝕錢，因為ISA戶口一定要存「嬰鎊」，因此買嘅一刻才兌換「尾元」去買「尾股」，賣嘅一刻收回「尾元」也會立刻兌換回「嬰鎊」，早前「尾滙」跌了12%，你賺5%，最後埋單蝕7%。

不過正常證劵戶口係唔需要即時兌換，係有滙兌損失，尤其「尾滙」下跌12%，但我唔需要立刻兌換，咪等滙率好一點才換，交少點稅，唔使交，甚至仲退稅，我係接受這結果的。

「天朝」可否跟「尾帝」鬥？睇下股票就可知道：

實力嘅差距好明顯，唔係差少少。但投資係睇眼光，唔係睇巿場、睇股票，好像「嬰突耳」，明明係垃圾股，「尾帝」資助嘅錢要兌成股票俾番「尾帝」，突然變了國企，股價急升。正常人最多只會買二佬「衫昇」，唔會考慮「嬰突耳」，所以我都賺唔到錢。

這種以即時滙兌計算嘅方法，表面係著數，實質暗藏殺機，你賺了錢，可以唔使交稅，反之，你蝕大錢，也可以交重稅，因為佢假設你滙率上賺了，但正常人唔會在買尾股前一刻才兌換尾元，也唔會沽出股票，即時將尾元兌回嬰鎊，所以需要相當小心，今年表現唔錯，下年度稅務仍然相當嚴重，要預30萬講元交稅，唔係講笑！

（某些公司淨利潤係相當高，不可不知！）

（投資嘅風向也不住變，要看風使舵。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。