IB投資系列：「鬚媽」好野！

 今年AI大事最矚目要算以下…

「衫惡民」與「鬚媽」「鬚之瘋」結盟，本來「衫惡文」係依重「皮褸黃」「黃人坤」嘅晶片，但一旦只有單一供應商，將來議價能力便很低，反過來輔助二把手，就好像「馬屍黑」將晶片大單交俾二把手「衫昇」，而非晶片大佬「抬漬殿」異曲同工。令我留意係，「噢頻嘿埃」得到嘅股票，全在乎「昭媚半渡睇」嘅股價，倘若升至600元，將獲得全數10%股票，咁即係股價非升不可。

真係好似火箭咁升，咁貴！點買呢？唯有買少少，再賣期權，賺少少吧！另外，晶片要製作都要「抬漬殿」，但股價已反映咗，又係賣期權賺少少即可。

這些期權金不算賺大錢，不過雞碎錢，不過錢就係積少成多。17183講元，持到年尾，如果股價升穿可提早平倉。

我自己用AI也是用「衫惡民」嗰款ChatGPT，係有佢嘅道理，巿場佔有率最勁，不過我想大家留意二把手Gemini，即係「菊哥」，已經遲咗，睇下日後有冇機會，上述例子已見「二把手」往往掌握機會，唔係一定睇龍頭，歷史上謀朝篡位，往往都係「二把手」嘅權臣。

不過炒還炒，小注即可，大注免問，要知道暴風雨前夕都是好安靜，聖經形容世界末日以前，人們如常吃喝嫁娶，你明我意思㗎啦！

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。