IB投資系列：俾人跣一鑊呢世都好難翻身

 最近股巿風起雲湧，某電車明明財報亮麗，股價卻下跌，所以永遠都係睇啲人點樣解讀…

做生意一定有賺有蝕，只要賺多過蝕就可以，本星期炒股賺39904講元，期權金皮四，合共四皮四。唔係炫富，我蝕幾十萬，甚至蝕兩球都show出來，係賺個平均數，由年初至今，平均每月有數萬元，你咪當一份工作，夠養活一家生活。

上星期「木頭姐」勁沽核電股OKLO，攪到我十張期權蝕晒錢，加上個巿跌一跌，即時觸及孖展保證金，令我覺得個巿唔係好穩陣，AI條橋就嚟玩完，好像科網股嘅尾聲，迫使我施展退巿策略，平手或賺少少就走人，不再留戀，12月到期嘅「昭眉半道睇」AMD、「抬漬殿」TSM全部賺少少平倉便算。

本來某核電股收了佢接近四成期權金，理論上我可以忍受股價跌四成嘅風險，不過要知道這類公司係沒有盈利，純粹靠概念，AI夢碎，或者一次核災，都足以令佢一文不值，尤其「木頭姐」嘅「荒洲基金」咁沽貨，背後是否收到甚麼風向？又或者佢嘅分析師睇到一些問題。

(木頭姐唔係善男信女，俾佢過一棟，呢世人都好難翻身。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。