愛丁堡詠春：不入流詠春

 如果論瘋狂，我唔怕得罪咁講…

「終屍」絕對唔係，但佢用現代術語解讀詠春，除了因為他是知識分子，更重要係佢理解這套拳術，某些師傅用陰陽五行解釋，因為他們根本水準唔夠，也不夠知識、智慧理解這門拳術，卻妄想教拳嘅無恥之徒。

「王宮」絕對稱得上瘋狂，但只限早期，街頭戰、擂台戰也試過，係相當整全，用實戰引証所學，甚麼招數得，某些招數唔得，清清楚楚，然而對擂台嘅認知仍然不足，佢自己沒有為體能作充足準備，戒煙、戒酒，一次打敗，就不再踏入擂台，成為終身垢病，與他街頭打交不同，十次打架，八次贏，兩次輸，輸了就會反省自己不足，加以改善，或請教「終屍」，找出問題，如果他用街頭搏擊嘅態度用在擂台，繼續傳承，今日擂台肯定有詠春派。

真正嘅狂人，人人都可以話佢「癲佬」，十二呎長，用坤甸木製成「鼠尾棍」就係正宗六點半棍嘅精髓，然而這木又硬又重，加工困難，加上咁長，前端細，後端闊，有冇師傅識整都成問題，錢也是一個問題。就算出盡人情牌、肯俾工錢、找到物料、木工師傅肯製作，運送、儲存、使用也是大問題。

在某一次詠春同人大會，只有一個大隻「鬼佬」能操得到這支棍，可想而知對腕力、臂力、核心肌群、馬步都有嚴格要求，呢種power，想打出「扑街師傅」嗰啲「飛機拳」，根本無可能，一定係拳拳到肉、招招攞命。師叔「午運聾」，就是電影裡嘅大反派嗰個，由於不同年代「王宮」徒弟，未有較量，多年前，有一次要跟師傅試手，講明第一次係試，第二次才真，「午運聾」試完手，就不敢黐第二次了。

我知道師叔習多門武術，詠春只是小菜一碟，公開展示，讓他感自信嘅功架，都唔係詠春，詠春水平有幾高呢？有許多人武術只不過去到搵錢要求，要拍電影，做到靚動作就OK，表演武術就可以了，至於教拳搵食，有幾下霹靂啪啦，掩眼法，就可以蒙混過關，欺騙咗一啲唔識功夫嘅人嚟學拳，所以技術永遠停留霹靂啪啦掩眼法，至於某些地方，例如「太國」、「飛栗奔」，十分貧窮，一定打拳賽來賺錢，只要做到拳王，一定衣食無憂，迫使他們努力不懈，要將功夫推到極致，戰鬥力已可徒手殺人，所以面對「太國」嘅泰拳，「飛栗奔」嘅拳擊，詠春？食屎吧！因為大家根本唔係同一個Level，就好像漫畫「北斗之拳」嘅拳王雷奧，拒絕下馬接戰，因為大家唔係站在同樣嘅地平線，同一道理。

我知道咁講，係對詠春同門很大傷害，但我真係想大家醒下，反思一下詠春未來去向，冇實力但用詠春搵錢嘅人太多，真正為詠春瘋狂嘅「癲佬」實在太少，就好像腸道，惡菌太多，益生菌太少，怎會健康呢？

（功夫巨星「唔驚」，連體育學生都打唔贏，更莫說業餘拳手、職業拳手。）