IB投資系列：中產被割韭菜，全民躺平

 如果你已醒覺所謂文明世界都不過是新種姓制度，階級分野仍然嚴重，貧富不均，社會不公平…試幻想如果你係第八層嘅人（根據The 8 show故事咁分）你會點做？一方面要榨取更多利益，一方面製造中產陷阱讓中產冇辦法上嚟，一方面製造上流嘅假象，讓低下階層死心塌地工作。

社會嘅稅項有七成由中產承擔，從來唔係最有錢嘅人承擔，巴菲特交嘅稅比佢嘅秘書還少，一日你冇賣出巴郡嘅股票，一日你都冇賺錢，係唔需要俾資產增殖稅，巴郡從來不派息，沒有利息收入，亦唔需要交30%股息稅，以前誠哥做上巿公司主席及董事，只收五千元董事酬金，薪俸稅都唔使交。當然唔會一個仙都唔交，但稅收跟賺錢比中產差很遠。

所以任何地方，一切開支都由中產承擔，但倘若將中產榨乾榨淨，一鋪過割韭菜，明明「痕大」執笠，永遠交唔到樓，也迫你地供死樓，因為所有人斷供，銀行體系即冧。

中產嘅生活係低下階層嘅目標，中產都死晒，奮鬥大半生兩代歸零，出了糧都要攞番，發了嘅奬金也要收回，咁最低階層仲會努力麼？只會用最低成本生活：躺平。

倘若啲人唔工作，經濟也不會好，投資在這地蝕死了，跟這地結為命運共同體嘅地方都唔會有運行。

（信邊個？自己諗諗，跌60至75%，我就唔玩了。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。