IB投資系列：這個世界公平咩！

 這個世界從來都唔公平，我地出生，已經決定咗。

其實我地Hong Kong人都享受緊唔公平，夫婦即使有子女，也可一齊工作，有兩份勞動力，因為可以用低成本請菲傭，在英國這是不可能，因為有最低工資，你請人不如自己做，故有子女嘅家庭，只有一個勞動力，直至子女獨立一點，其中一個才可找兼職。當我們要求公平嘅時候，你會否俾最低工資給菲傭呢？我們仍然用比較優勢壓制緊別人時，從來也沒有良心譴責。

究竟我地係咪追求緊公平、公義？我有個親戚，做生意賺到錢，但佢照申請「生果金」，話人人有份，納咗咁多年稅，終於攞番多少，咁才叫公平。

這個世界從來都沒有公平，在英國，有校區，有好學校，一定要俾貴租、貴巿政稅，你想子女入愛丁堡第一中學，就要入關聯嘅小學，係冇入學試，唯一要求是住在校區，住得校區，都唔會係最低階層嘅人，嗰間中學，多年都係愛丁堡第一，讀書一定要谷，一定要請補習，如果家境平平，怎讀得起這些中學？（即使學費全免）

我個仔唔入太差嘅學校就可以，免學費至大學，小一至小五包埋午餐，稅收包埋，都算公平。

我地冇辦法改世界，只有改變自己。我投資收入唔穩定，三更貧五更富，也提升了十一奉獻，遇有乞丐，按感動施予。

（股票升跌都有人賺錢、蝕錢，唔係咁簡單㗎，投資要量力而為。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。