我對詠春，可以說愛之深、責之切，點解一門咁好嘅功夫，會攪到流成咁？
一、對抗性不足
搏擊也是一樣，唔理你甚麼門派，雙方「噸位」不能相差太遠，肌力、體能也要相若，才有得打。
二、只練細肌肉、唔練大肌肉
黐手要練到細緻動作，一定係練細肌肉，無可厚非，但如果九成都係練黐手，一定有問題。就好像戰艦嘅砲塔，轉動速度快，但砲彈冇力，打中人都冇用，又或者轉舵速度快，但引擎力量唔夠，力量衝刺欠奉。
三、只練埋肘拳、唔練飛肘拳
埋肘拳，詠春一定知，但飛肘拳通常指那些練得唔好那些，其實小念頭已隱藏其中，只不過師傅冇料，解唔到佢知，詠春套路都係講啲唔講啲，因為以前係秘密拳術，啲人偷學了都冇用，俾你學埋「標指」，都係「潺仔強」，死未！因而許多人只知埋肘打法，唔識迫肘打法，迫開對方橋手，因而出現互中場境，而詠春一定係倒下那個。
四、冇自由搏擊，只有下三流對拆
只會黐手嘅人，沒有自由搏擊訓練，真打係永遠唔識打。至於對拆，攤手、膀手點樣破各門各派手法，好似幾落實，不過由詠春師兄扮泰拳、拳擊之類，流到痹，任何下三流功夫都破到，跟真實差距太大，一放到現實場景就死硬。
既然詠春根本唔得，點解仲有人挑戰現代搏擊？因為有一個心法叫「自欺欺人」，學習武術都有洗腦過程，認定自身武術係最強，學了幾十年，就洗腦幾十年，分辨是非嘅能力都冇晒，自然會做出愚蠢行徑。
（某些地方最善長這種功夫。）
（李煜：「故國不堪回首月明中。」）
沒有留言:
張貼留言