以前真係有風雲人物…
蘋果股票(AAPL)，我賺少少茶錢就算，不會長揸。我部iPhone仲係11，庫克！請俾我一個理由換新機？有冇AI幫人解決問題？標基、馬斯克、朱克伯格都買了大量晶片去運算？車又出唔到，雷軍嗰個老翻王已經蝕錢推出了，冇了喬布斯就冇創意麼？做領袖唔使樣樣精通，只要知人善任，創作總監咁難請嗎？蘋果要人會冇人材嗎？庫克數口係叻，電車冇錢賺即停，但用人都係差啲！
（智能叛變應該不會發生，啲有錢佬都要保障佢地自己，但有野心家背後操縱就難講。）
咁現在有冇科技嘅風雲人物？
AI可以取代人類，我要問幾時會發生？如果100年後，跟我有甚麼關係？如果50年後，我都死咗，跟我有甚麼關係？如果這件事在我們有生之年發生，甚至係幾年至十年會發生，咁就真係跟我們關係密切，如果沒有投資，唔係賺少咗咁簡單，能否生存也成為問題。
AI初期，都係取代人類部分工作，服務人類為主，但久而久之，AI已經學晒人類嘅野，咁你仲需要請人類工作嗎？既唔需要，低等草根嘅人類仲點生存？你冇工作、冇收入，亦唔會再有錢買到AI嘅服務，久而久之，AI亦唔需要服務人類，人類也沒有任何價值，包括生存價值都冇。
唔好講到咁遠，我淨係問「自動駕駛」會否成功？可否取締所有司機？「AI機械人」會否成功？可否取締所有人類勞動力？如果有生之年會發生，就需要投資，至少你係股東，可獲得AI服務，又或者投資成功，賺到錢買得起服務，勉強可以生存，反之，若果你覺得這件事不會在我們有生之年發生，咁當笑話聽完就算。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
沒有留言:
張貼留言