IB投資系列：你係奴隸卻不知道

 繼「魷魚遊戲」之後，Netflix又一遊戲劇集「The 8 show」…

故事所反映嘅現實，真實無比，8個人抽牌決定層數，每層就代表不同階級，最高級第8級，房間最大最高，景觀最好，每分鐘可得34萬韓元，最低級嘅第1級，每分鐘可得1萬韓元，表面很易賺錢，但困在裡面，要買任何物品都係巿價嘅100倍，食物及水免費供應，由第8層開始，意味有錢有權嘅人掌管資源，佢地都要做一些事賺取時間，時間為零，遊戲結束。這8人就是世界縮影，不同技能、不同層數，要合作賺取最多時間，群體間建立規矩、賞罰，但當第8層要受罰嘅時候，就佢絕合作，並停止供應食物及水，要其他人屈服，最後上四層成了統始階層，下四層變成奴隸，為求賺取更多，壓榨下層越大，最終觸發革命…跟真實世界完全一樣。

有錢佬一日賺過億，我一日賺一千幾百，你出身就好像抽了甚麼牌一樣，就算幾努力都冇可能上到位，當然幕後玩家會製造一些假象，知識改變命運、努力可以成功之類，也提拔了一些人，成為成功嘅模範，令奴隸階層願意努力工作，我年輕時曾廿幾小時工作，冇返屋企，點解要咁搏，就是升職嘅幻象，俾你升了又點？又係咁涯，又做一個幻象俾下面嗰層嘅人睇，努力就可升職…，你以為文明社會就會公平，少年你太年輕、太天真了，其實真實景象跟印度嘅種姓制度完全一樣，你仍然係奴隸，只是你升了一級，做奴隸管工，繼續鞭策奴隸幫主子賺錢。

我唔係講得消極，係睇通了這個真實嘅人生遊戲，大不列顛經濟增長1%都冇，通脹十幾個%，人工永遠追唔到通脹，咁即係實質購買力越來越少，甚至要涯餓，除非你更努力工作，更努力爭取升職，才夠生活。現代奴隸唔需要好似古代鞭打奴隸來加快速度，只要印銀紙，令你唔夠使、令你涯餓就可以了。

「鄉講」以前比較富裕，有的人年年去日本，年年去旅行，年年換手機…真係咁爽麼？幕後玩家固然要賺盡你嘅錢，你沒儲蓄，你欠卡數，你更要努力工作，放假更要兼職工作，為主子賺錢，令你冇空間思考人生嘅意義，罪沒有辦法得到解決，星期日返唔到教會，得閒死唔得閒病，有時間也要進修，至死都唔知為乜嘢？

如果人人好似我初出道，賺一萬儲七千，加了少少人工儲八千，基本上可以半年工作，半年休息，或者正常工作，提早二十年退休，四十歲就唔使做，只不過我做生意失敗、投資失利、工作唔如意…就冇計。如果人人咁做，人類生產力至少減少一半，又節約消費，幕後玩家賺少許多，試問佢哋點會容許這件事發生，要為這班奴隸建立所謂「人生目標」，要「四仔」（屋仔、車仔、老婆仔、仔女），賺錢達成人生目標就等同人生嘅意義等等，當然奴隸會悶，讓一少部分人發下明星夢、體育夢，固然樹立了成功嘅模範，鼓勵奴隸努力工作，有了這些明星，也調劑工作嘅苦悶，提升生產力，為背後的老闆賺更多更多嘅錢。

（住在遊戲中的第8層嘅人，會鼓勵下面嘅人努力工作，最好娛樂都唔好要，道理好簡單，下面嘅人努力工作，上面嘅人就可坐享其成，賺更多嘅錢。）

（住在遊戲中嘅第8層嘅人，係唔會守遊戲規則，規則只是俾下面嘅人守，如果貪污有罪，點解有權嘅人，財富比許多富豪還多？如果規則只可續任兩次，為何可永續權力？只因佢哋係遊戲最高層數。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。