移英日記（159）善惡到頭終有報

 2023年，大不列顛通脹，全球之冠，但經濟增長只有0.1%，倫敦交易所，走到就走晒，走唔到，大部分變蟹貨，真係食屎！（唔講衰野都唔得！）

幸好作為投資人，唔會著眼一個地方，天朝、漁村唔惦，咪撤資囉！將資金投資在其他巿場。越南、印度等新興巿場，波動很大，小注可以，賺雞碎咁少，無意思，美帝巿場又隨時崩塌，幕後玩家隨時收網，唔敢有大動作，揸住現金唔買貨，真係好考驗耐性。

你要有自由，就要用其他野交換，從來都唔係免費，係等價交換。

經濟唔好，統治者有絕對責任，我在大不列顛可以駡英皇查理斯三世，可以駡首相辛偉誠，可以駡保守黨，但某啲嘢就唔可以駡。（你明我意思）

如馬斯克所言，我地活在真實世界嘅機率只有一億分之一，一切都是假的，政客不過是演員，每次世界峰會，分派劇本，跟據幕玩家嘅指示去做，有做主角，有做歹角，在政治、經濟、軍事、教育、文化、宗教、傳媒等各方面控制，真實嘅世界係點？冇人知，知亦不會告訴你。

我淨係知道，聖經有警告，「那迷惑他們的魔鬼，被扔在硫磺的火湖裡，就是獸和假先知所在的地方，他們必晝夜受痛苦，直到永永遠遠。」（聖經啟示錄20:10）善惡到頭終有報。

（Jimmy Lai冇得縮，咁樣係對上帝最好嘅交待。）