拳王泰臣冇得輸

 

已經攞了龐大嘅出場費，冇得輸。打拳都係為錢、為榮譽，20歲已是世界重量級拳王，入獄前戰積可以用幾乎無敵來形容，許多時候第一回合KO對手，最快30秒，俾錢睇拳賽，個個都話回水，因為太快打完了。

（泰臣唔係最可怕，佢嘅已故拳擊教練才最可怕，能夠將泰臣嘅潛質完全發揮，亦是唯一令這頭野獸流淚嘅人。教練一死，佢嘅拳就走晒樣。）

正所謂「拳怕少壯」，30歲打敗57歲，就算真係贏，又有甚麼值得驕傲呢？如果泰臣要贏，一定要頭三個回合內打敗保羅。保羅經驗比不上泰臣，要贏一定要在頭三回合只守不攻，拖延時間，輸足三回合點數不要緊，第四回合才全力出擊，彼弱我強，然後可以圖也。

正所謂：「爛船都有三分釘」，何況泰臣唔係爛船，50場職業生涯，贏四十幾場，前期多數贏，晚期多數輸，佢嘅優點係強攻硬擋，左右開弓，都能打出重拳，唯這種打法對體能要求極高，年幾一大，便難發揮，只宜急戰，不能持久。就如三國時諸葛亮北伐，運糧困難，只能急戰，不能持久，固守拖延，便能退蜀兵。