人老咗，係咪會糊塗啲…
人係自私嘅，當自己有錢，總想有個伴，年老無依嘅孤獨感更是明顯，到了這個年齡，嗰方面都唔係好得，或者打折，即使去勢嘅太監也要找宮女做對食夫妻，可以理解。
爺孫戀，真係可歌可泣？我呸！只不過類似炮友，各取所需，互相利用，你俾到物質，換取溫柔。
人到了這個年幾，好像我以前老豆，貪平去天朝生活，也有疑似嘅東西黐上，因為以為佢有錢，點知佢窮到褲穿窿，天朝女人三幾萬都照呃，冇錢係唔會黐上老頭嘅。老豆比我更注重健康，但幾年就肝癌拉柴，食埋啲地溝油、附加劑、假食物，等你以為北上咁爽，買定人壽保險就差不多！
我以股票做比喻，你年輕有為、努力工作，即使好似甚麼都冇，前途也無可限量，是潛力股，人見人愛也可理解。對於已成熟企業，再發展空間都冇，要大升根本冇可能，點解仲買佢？因為派息穩定，可製造現金流。
這個世界，唔會有無緣無故嘅愛，也唔會有無緣無故嘅恨，年青貌美黐上老頭，唔為錢？為乜嘢？
（出得嚟行，預咗要還，做得壞事，預咗落地獄。只是有些人做了壞事，仲話天堂已留位俾佢，無恥到極點。）
沒有留言:
張貼留言