移英日記（155）英式教育要科水才好

 今日帶個仔去足球訓練班，事緣是Nursery有一家長，又是我地租住單位嘅業主，佢個仔參加了，卻不太感興趣，希望有人陪下，故此我地借勢俾兒子參加，由於少了兩堂，拉高了每堂成本由4磅增至5磅，我都唔係咁介意濕碎錢，用得其所就可以了。

駕車去到某中學，已感到濃厚足球氣氛，有人在草地訓練，小兒訓練地點是在室內運動場。

只有45分鐘，我地早到，上一班剛完，可以熱熱身，幾歲人仔，我就不期望學到甚麼，但至少教識他們何謂足球？培養他們興趣，這就是青訓，由兒童開始，鄉講人鐘意睇英超，因為有水準，是有道理的。

之後駕車去食自助餐，因為馬斯克、庫克贊助嘅，應承咗嘅事，一定要做嘅。

黎緊八月就讀小學，「歪芺」（wife) 頭痛緊買校服，因為佢呢間學校嘅校服有校徽，並不是求其去超巿買即可，要向指定服裝供應商購買，早鳥優惠八折，迫你快決定。這裡讀書唔使學費，其實都有限錢，只不過校服很快不稱身，點都要親自去供應商，才能決定。

英式教育不等於國際學校，由於公立學校資源有限，師生比例、教學資源，都不能跟私立學校比較，英國只是已日落帝國，資源有限，學校普遍陳舊，教師壓力大、人工低、流動性高，某鄉講「校長」已獲聘請教學助理（唔係教師）都唔做，寧可做酒店，就知道有幾伏！

愛丁堡是國際城巿，有不同人種，學校裡白、黃、黑都有，國際性都算係嘅，但只係英式公立學校，不算是國際學校，要攪清楚，小學冇功課，都算是happy school，這間讀、寫、數有90+，算係咁，中學要考公開試，一樣要谷，要好概，要科水讀私立學校。