如果世界和平，按理幕後玩家都可賺錢，何必攪咁多嘢？
首先，幕後操盤嘅，無論好壞，個巿高低，佢地都一樣賺錢，戰爭係燒銀紙，係燒低下階層，印銀紙導致通脹，人工永遠跟不上通脹，即係減人工，加了嘅價，永遠唔會減，再講戰爭嘅錢，冇數計，俄羅斯嘅S300、S400防空系統，面對北約導彈，全無招架之力，即係廢嘅，T90坦克，又話北約聞風喪膽，匕首超高音速導彈，又話可以突破任何防空系統，又係廢嘅，廢嘅野就唔值這個價錢，當中幾多貪污，幾多油水。北約也好不了幾多，軍援、捐武器，都係去庫存，捐晒舊嘅F16戰機，買新嘅F35戰機，咪合法咁由稅收或印銀紙支付，當中嘅油水又會少麼？唔打扙，武器零消耗，國防預算又少，軍火商食屎咩！
用人命去換錢係好唔道德，偏偏這個世界每日發生緊，而且仲係全球買單支付。有些西方「邪惡勢力」嘅國民，就用稅收、印銀紙、通脹去cap水，冇咁文明嘅，就用通縮、減人工、發放了嘅奬金及薪金都可追收、供死樓、強迫捐獻、強徵、被自殺、被消失…等等。
世界就係咁黑暗，堯舜真係禪讓麼？唔係武裝奪權？有血緣都有玄武門之變，何況冇血緣？歷史好多都係老作，revolution最終會發生，唔想上斷頭台或流血，餅仔要分得均勻，人人有機會，就算事實唔係咁，都要做足戲，演員要交足戲，如果唔係咁點愚弄下面嘅人。
你明知世界係唔真實，歷史、科學、資訊…都係當權者話俾你知，小巿民嘅投資，都不過是猛獸牙縫位找少少渣滓吧！
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
沒有留言:
張貼留言