我想問：你買巴郡，因為那間公司叫巴郡麼？而是相信主席巴菲特及已故副主席查理芒格做到野，你當年買蘋果，因為份年報寫得很好麼，事實上沒有喬布斯嘅蘋果根本係垃圾，你買係因為相信已故教主喬布斯回歸，可令蘋果再創高峰。
我唔需要再舉咁多例子，如果你信「今上」，你可以買天朝嘅股票，你信「你嘉昭」，你可以買漁村嘅股票。（輸到跳樓唔關我事）出得嚟行，講個信字，你做到成績，人哋自然信你，攪到咁，仲有人敢投資嗎？
（輸晒唔使跳樓，破產就可以。）
我就試下自己眼光，睇下自己有冇信錯人。
呢條友一出道就喺呢間公司工作，有一次返教會，牧師講聖經啟示錄，講到老底嘉教會不冷不熱，神巴不得將佢吐出來。自始激發了佢熱心工作，他後來有機會見到公司領導，直指公司電腦系統唔得，當時嘅領導開明，只要對公司好，下級可挑戰上級，在這種文化下，公司發展很快，成為行業龍頭，領導世界。但公司越大就越腐化，容不下這個人，即使做了三十年，也冇得留低，佢被迫去到其他公司工作，也做到好成績，多年以後，突然收到老公司邀請佢回巢做執行長，他興奮得像18歲時第一次進入這間公司，然而這公司已今非昔比，從神壇掉下來，電腦CPU已被AMD搶去不少生意，晶片又被台積電、三星嘅技術超越，Pat Gelsinger能否反敗為勝呢？已向ASML買了最先進光刻機，能否在14A技術彎道超車呢？我拭目以待！
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
沒有留言:
張貼留言