IB投資系列：巿況不穩要小心

 理智嘅人都知，巴郡十大持股都係穩陣嘅公司，如果巴郡都跌99.97%，咁你做甚麼操作都冇用，因為世界末日，錢已經冇價值，儲定麵包、水可能延長一點壽命，祈禱求神接收我們嘅靈魂吧！

巴郡A股要五球，所以睇都冇睇，B股買得起，又難掌握下跌機會，管理層年時已高，副主席查理芒格已死，主席巴菲特也玩不了幾多年，未來接班人嘅投資策略也不太清楚，唔明朗嘅野，我係唔會買，除非有相當折讓，例如巴菲特有事，股價急跌之類，不過機率不大，要巴郡跌，成個巿都要跌，若成個巿跌，大把選擇，又唔需要一定買巴郡。

北約准許烏克蘭用武器攻擊俄羅斯本土，由於是遠程攻擊，重挫俄軍又唔需要犧牲烏軍，期望今年可取得重大勝利，避免特朗普上台，佢哋不再軍援，會要求原地停火，則烏克蘭在戰爭中失去嘅土地，便難取回。

戰爭係燒銀紙遊戲，要軍援，意味要在稅收或印銀紙支付，當中有好多既得利益者，發戰爭財，又唔需要自己國民參與，又有正義之師之名，條數開到咁大，民間反對聲音也不會太多，如果俄羅斯打敗。拜登聲望上升，對總統選舉勝算更大，而選舉年，按理經濟不會太差，但巿場力量唔係一定控制到，唔係咁簡單的。

（地產佬自己心知肚明。）

（口講有信心冇用，身體係最誠實。）

（個巿好差，而且重有排衰。）

（鋪王波叔個仔，好快破產。估唔到「鄉講」咁快玩完。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。