唔係晒命，只不過洗濕咗個頭，局住行埋去，一心只係去郵輪，因三人去修咸頓機票都要萬幾港元，局住變環島自駕遊…
重點遊覽布里斯托Bristol，會住三晚，再去雷丁Reading住一晚，然後再去修咸頓上郵輪。
落船後，由修咸頓去伯明翰Birmingham住一晚，再上列斯Leeds住一晚，然後返回母家愛丁堡。
海上要上網，要衛星上網，我冇用伊隆馬斯克嘅星鏈，點都要用郵輪服務，全功能要七百港元，係就係貴了一點，但只要股票交易了一次，已經回晒本，即使未必有交易，要成個星期唔睇住個巿，總唔會安心，點知幾時冧巿。
船上要消費，郵輪有衛星上網，但唔會咁笨蝕水，要你綁定張咭，用歐元結算，只用會員身分消費，我張wise，上次去完德國，重有千幾歐元，夠有突，除非爛賭婆在船上輸晒（講笑咋），賭場我只會當係遊戲、機鋪，之前去「馬交」，只係飲飲食食，入埋賭場，一個仙都冇賭，純參觀，真正嘅擂台是交易巿場，如果少少誘惑都忍唔到，點做大事呢？
沒有留言:
張貼留言