移英日記（162）躝癱偽人照妖鏡

 剛剛主日，牧師及會眾宣讀「漁村」未能表達嘅禱文，祈禱係對神，不是對人，原來某些地方連這個自由也沒有，真係可悲，教會係宣講真理嘅地方，竟然唔講真話，我未離開這地時，講道已經變晒質，含糊其詞，今日閉口不言，連公開祈禱都唔得，要十萬八千里外嘅弟兄姊妹代求，那麼日後豈不是要歌功頌德、歪曲是非才能生存嗎？

我體恤有些人仍要食飯，人為了生存，有時都要卑躬屈膝，好似陶淵明不為五斗米折腰，歸園田居，又有幾多人？有些人在「漁村」搵幾皮，嚟到大不列顛做低下工作，扣了稅兩皮都冇，最慘冇工人，家庭得一個勞動力賺錢，收入猛猛緊，只為下一代有將來。

有些明星，半紅不黑，唱過「霖直」啲歌，以為大家理念相同，係同路人，其實不過是美麗誤會，偽人只不過是角色扮演，要佢做傻警察又得、做有理念嘅校長又得，跟佢本人嘅質地完全沒有關係，個名都係假，何必認真！好像某功夫明星不是套套做英雄麼！真人，人渣都不如！有甚麼稀奇？都係躝癱、茂利、卜街！

都係嗰句，做人唔好咁天真，戲子似終係戲子，係專業偽人，將這些人視為偶像是十分愚蠢嘅事。今日所發生嘅事，就好像照妖鏡，將所有妖怪現晒型。

巿民將這些躝癱明星嘅唱片毁滅，不單是情感嘅發洩，更是良心嘅醒覺，35年前發生甚麼事？這幾年發生甚麼事？大家很清楚，偽人為名利幫「正拳」塗脂抹粉，如果你仍擁護這些躝癱明星，你跟佢地重有甚麼分別呢？人所以係人，因為重有良知，良知都冇，跟禽獸有乜分別？

（偽人係冇立場，你叫佢演乜就演乜，佢當日可以揭露某地官場黑暗，今日也可以歌功頌德。）

（偽人好多都係人渣，預咗落地獄。）

（天朝迫偽人表態，寶島人未洗腦，應該知道甚麼事，係人係鬼現晒形。）