IB投資系列：唔知幾時冧巿？

 真係俾條友玩死…

又話減息，又話不急著減息，咁即係點呢？英偉達破高位，蘋果又破高位，睇住人哋發達，我喺度捱窮，真係懷疑人生。

股神話地緣政治風險，放晒台積電，我跟，102元放晒，後爆升至169元，死未。

天朝越軍演，寶島股巿越升，台積電絲毫無損，隨著AI熱朝，股價越升越有。

股神大量持有現金，我跟，一半資產係現金，英鎊佔多，因為可能買cheap樓自住，鎖定校區，自住樓係負債，唔能夠產生收入，所以買平不買貴。其餘為美元，只要在IB有一定資產，有一定現金，IB當活期擺係度都有四厘幾，現在只係小注玩下，賺又唔會發達，蝕又唔會破產…。

這種玩法唯一好處是股巿突然大跌，點都唔會死，因為一半係現金，另一半都係債券、收益基金、收息股票等組成，價格波動有限，仲有大量現金掃平貨。

不過這段時間，真係悶局，錢又賺唔到幾多，不過正所謂：「小不忍則亂大謀」，真係要忍下手，沒有人有水晶球，如果我早知半年後才跌，我都炒埋一份了！股神幾十年經驗，雖然有時都會老貓燒鬚，但姑且信住佢先啦！

（越唔減息，經濟崩潰風險越大。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。