功夫再高，也怕菜刀

 我跟人說在治安差環境，要著鋼底、鋼頭安全鞋，保持距離，要識攞「架撐」，摺凳、玻璃樽等。網友當我講笑，真係以為所學功夫可以保護自己，免受持械武器嘅人攻擊，做人唔好咁天真，有武器跟赤手空拳，已經係唔同level，冇得打的。

唔信，睇以下測試：

就算幾高級高手，面對持刀者，沒有一個可以獨存。証明功夫師傅所教，空手套白刃，根本係廢噏、垃圾，唔識你仲會投降認輸，或者跑快兩步走路，學了反而成為自殺技，自取其亡。

咁究竟功夫有冇用呢？真實格鬥場境，不會公平，有兵器跟冇兵器、群抽跟隻抽、男跟女，歐洲人有肌力優勢，牛高馬大，非洲人有耐力優勢，亞洲人最弱雞，學咗有冇用呢？

假設個師傅有料，又識教，你又受教，又學到，練到，都不過提升一定戰鬥力，面對真實殘酷嘅場境，不一定可以扭轉乾坤，就好像上面測試嗰幾位高手，面對持刀者，自己都中幾十刀，俾你打死佢，自己都冇命，有甚麼意思？

不過生命嘅價值勝於千金，即使只提升幾個%生存率，如果一些功夫唔係假得咁離譜，也值得學習嘅！最差個樣，都迫你練下體能、肌力，對你嘅健康，也有正面幫助，只不過有些假師傅，叫人練小念頭，功力就可大增之類，呃人都唔使本，自己指指點點，唔使用力，對比那些幫拳手練拳，餵招提靶都整到手痛、腰痛，真係呃得太離譜！