做過生意嘅人都知，賺到錢係唔怕俾更高嘅息，或者俾更高嘅佣金等交易成本。波叔當年炒樓、炒鋪，用盡槓桿，俾幾高利息，但那時巿況好，賺到錢，怕乜嘢？
IB借日圓只係1.5厘至0.5厘，借得越多越平，就算日圓升1至2%，根本不覺得甚麼一回事，就算升5%，都係5.5厘，就算向銀行、財仔，都借唔到咁平嘅利息，拆倉嘅人，大部分都係息差套利，都係賺三、四厘，日圓一升就冇，勁升仲要嘔凸，仲唔走咩！次之就係趁美股高升，攞點油水嘅人，滙率上升令借貸成本上升，也會收一收水。
問題係如果巿況咁好，大把錢賺，又有誰介意融資多一點利息？人人只會怕錯失機會，故我哋重點應該問未來經濟會點？有冇錢賺？
（如果你可以肯定邊個做美帝總統，你也知道應否投資虛擬貨幣，問題係冇人知。）
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
當日圓升，做了借日圓買美債、美股者，紛紛拆倉，因為息差仍然存在，但日圓喺咁標，也會抵消唔到滙率嘅損失，於是紛紛變賣股票套現，盡快償還日圓，沽美股、揸日圓嘅動作不住出現，美股越跌，日圓越升，巿場又互相影響，日股又跌，巿場風聲血雨。
美帝預期減息，資金自然回流非美貨幣，日圓並不是唯一升，英鎊也升。現時1美元兌153日圓，問題是炒家是在甚麼滙率借下日圓，到達他們嘅臨界點、警戒點嘅時候，自然不得不拆倉，換言之，已拆就已經拆，未拆就仍然未拆，主要視乎是否進入他們非拆不可嘅地步，如果去到1美元兌150日圓，就要十分小心了。
賀錦麗氣勢力迫特朗普，未來去向未明，投資者係咪都會持觀望態度，故此股票郁得很少，根本冇肉食，無論你買跌買升也好，最怕大巿牛皮，就算你還唔還日圓也好，也難以落注，這才是關鍵。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
當你睇清詠春本質，你都會好像以下嗰個「伯父」咁勞氣…
（言語十分粗鄙，粗口爛舌XYZ，介意勿入。）
以前宗師鼓勵門人跟人切磋武藝以求真知，造就詠春由秘密嘅地下拳術，變為世界知名嘅武術。今日「詠春師傅」叮囑門人千萬不要跟人切磋，怕武館招惹麻煩，影響生意，更怕實戰露餡，令人知道該門詠春根本唔打得，以後冇得呃錢，招搖撞騙。
詠春黐手許多技術，只有跟同門進行黐手練習才會用到，黐手只不過詠春訓練橋手反應嘅練習，唔代表實戰都要咁玩，再者其他功夫也不會遷就詠春玩法，正如巴柔利在地下戰，詠春利在近身扭鬥，偏偏人哋唔鍾意咁玩，攻擊技大多用中距離，若迫人去到近身扭鬥，泰拳嘅肘膝立刻侍候，詠春死快啲就肯定，我練咗咁多年詠春，黐手何時有教你破泰拳嘅肘膝？黐手只不過練你橋手反應，不能當實戰練習，偏偏有啲詠春門人將黐手當真，黐手叻就以為打交叻，黐手練習時，只要出膀手，日字衝拳會自動停，實戰時，冇質素嘅膀手已經死硬，每個手法都要足料、合標準，才能成立，護手做個樣放在身體前面，有屁用咩？
「師傅」幾時教標指？美其名要你功夫足，實際係要你科足水，詠春有甚麼功夫可言呢？九成都係騙子，大半以上「師傅」練成「自欺欺人」嘅功夫，就算所謂有技術，都只不過純黐手技術，與實戰搏擊無關，本末倒置，學太極，唔係學純推手技術，學詠春，唔係學純黐手技術，掌握到對手嘅力點去發勁，立刻將對方彈開，又或者一個抱排掌將對手彈開幾尺…從表演角度看，觀賞性係很高，但以搏擊角度計，係冇意義，打多兩拳更有意思！
我很喜歡睇動物嘅打鬥，究研佢哋點解會贏？點解會輸？答案總離唔開格食格，大贏細、強勝弱，呢個最簡單嘅叢林法則，但有的動物，卻有特別技能，可以完勝一樣身型嘅動物，甚至獵食比自己略大嘅動物，例如：螳螂、蜘蛛、蜻蜓，成為昆蟲界頂級嘅獵食者。
不過無論幾強勁嘅螳螂，面對雀鳥，根本不算甚麼，成語：「螳螂捕蟬，黃雀在後」，就很清楚表達出這意思。根本唔係同一個level，冇得打，搏擊也是一樣。
搏擊分三個level：興趣班、業餘拳手、職業拳手，甚麼國術、詠春之流，長期停留在興趣班水平，吹就得，打根本就唔得，花太多太多時間在技巧，九成在黐手，人哋用同樣時間，練更多嘅拳、踢更多嘅腳，攻擊係最佳嘅防守，邊個會贏？好清楚，就算大家都係興趣班，這些技巧在實戰面對其他功夫，十分一也用不到，拳擊、泰拳永遠係贏家，我仲未講，好多詠春嘅手法仲係有問題，流流地，咁去死好過，學甚麼功夫？
螳螂嘅狩獵技巧再高，面對黃雀係冇意義嘅！因為根本唔係同一個level。
（國術最叻都唔係打，係吹，以前在武館吹，現在改在網絡吹。）
（漫畫「聖鬥士星矢」，一輝是最強嗰個，只因佢唔係主角，作者車田正美永遠將最後嘅大佬都係交俾星矢打，一輝大戰沙加，係我最喜歡一幕，面對最接近神嘅人，未開眼嘅沙加已打贏一輝，就好像「西遊記」中嘅孫悟空面對佛陀，即使武功高強，也是無能為力，因為唔係同一個level。）
移英除了要炒股賺錢，也要駕車接送上學，不過能讓我們娛樂，當然係睇戲。
如果你冇睇戲，鄭秀文在演唱會送林峰一碗叉燒飯，根本唔明其中意思，不過睇戲最令我感受深刻，係東亞已發展地區，迫孩子讀書至死地，香港迫到孩子冇童年，韓國迫到佢地自殺，台灣也好不了幾多…
最近睇了套台灣戲「你的孩子，不是你的孩子」，有很大反思。戲名已經告訴我們事實真相，孩子係獨立生命體，需要被重視、被尊重，父母嘅角色只是輔助，而非控制，否則只會出現悲劇。
究竟再迫孩子讀書仲有用咩？所有靠讀書做到嘅工作，未來都會被AI取代，未來嘅發展速度係點，真係好難評估，我寧可送孩子到英國，避開變態嘅教育制度及環境，讓他們開開心心，將來係點，咪睇佢哋自己造化，最重要是佢哋嘅品格。
移英「講人」最煩惱是放假去邊？去沙灘？去踏單車？外遊嘅超必殺技要儲一段時間才能使出，否則好易破產。
以前借日圓買美債、美股，不知幾爽，當時我借了大約四球港紙左右價值嘅日圓，兌成美元賺息差，個個月肯定送你一萬大元，如果啲錢用嚟炒美股賺到錢，更不止此數，月月都幾皮…
不過好景日子不會長久，我早早還晒日圓，去槓桿化，就是怕日圓升，現在終於發生…
以往賭場嘅賭徒經常流行一個贏錢法則，就是輸就谷、贏就縮，意思就是輸嘅時候，要將注碼加倍，咁嘅話，只要贏一次就可追番晒！
不過這個法則要可行，要有兩個條件實行：賭枱沒有注碼上限，亦要假設有無限資金。許多時候，未到注碼上限，已經輸晒錢了！
IB投資在美股，大把大鱷、基金佬、大戶、炒家跟你玩，華爾街多多注碼都受得起，問題係即使你嘅IB投資戶口即使係孖展戶口，可槓桿幾倍，資金永遠鬥唔過華爾街一眾大鱷，「輸就谷、贏就縮」嘅策略，只有死路一條。
散戶只有順勢而行，別無他法，牛巿賺唔盡，熊巿走得快，才是散戶生存嘅叢林法則。你要知道自己嘅檔次，就好似玩光榮嘅「三國志」遊戲，你係曹操、袁紹，自然可以左右開弓，倘若係小勢力，就要小心翼翼，見到勢色唔對，攞埋錢糧棄城走人，就好似我沽「講股」唔見三十幾個走人，但如果係巴菲特，係贏住走，只不過賺少一點！
現時應重注現金，倘若資金未有攪作，分階段買短期美債，鎖定息率，又不失彈性，倘若要在大巿調整時，想抽下油水，要小心注碼，小小玩下可以，太多注碼分分鐘積下太多蟹貨，造成危機。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
最近我又聽到有人說4%法則去計出退休所需資金，最弊重講這個題目嘅人自己都未可以退休，怎有說服力？等我移英三流交易員講下喇！
首先你唔識投資，怎樣在低息、零息環境確保4%回報？再者不提取本金，只靠利息永續，本身都有問題，我好簡單咁講，英國通脹都十幾個%，我食開最cheap嘅麵包也由39便士，加至45便士，增幅15.4%，4%法則，食屎喇！（唔好意思，太粗鄙！）
要知道一個方法成功，背後有很多因素，好像以前漁村個套可以成功，因為那時那地經濟不住增長，只要努力工作，可以升職加薪，結婚生仔，可以請菲傭，夫婦一齊工作，不減生產力，累積到財富，生活素質也不住上升…
很多因素控制不了，一切便是空談。
之前我計算，一家三口在英國，每月需要兩皮，實際運作要兩皮半，如果計埋買車、旅遊等奢侈項目，20個月用了1球，平均每月五皮，點計呢？
學搏擊第一法則：進攻係最佳防守。如果你學我，晚上去厠所用電筒唔開燈，又或者某弟兄每次入油入少少…講真！慳得幾多，cut咗架車仲慳。我們當然不會亂使錢，但更要緊要賺更多嘅錢，係好市儈，但係事實。
我哋這些二等公民，不過攞最低工資，又扣IHS、又pension，再扣稅，一個月咪得皮半，就算你慳到每月用兩皮，個個月咪負五千，圍唔到皮㗎！
甚麼叫做退休？係唔使正常返工，就算嗎？好像某些富二代，由家族基金每月發放，甚麼都唔使理。我哋這些下等人永遠做唔到，即使唔使正常返工，也要積極投資，才可以維持生活。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
最近我看到一個標題：
an uncertain political path ahead
類似這個意思，不確定性，意味無法投資。
喺這個時候，減持股票，可保平安，雖然選舉年有七成機會係升巿，咁執政黨有利連任，但仍有三成機會跌巿，不容忽略。
有些人更部署特朗普概念股，認為美國本土製造及工業有機會發圍，但未來經濟又唔知，國際關係又唔知，仍存有極大不確定性，現在宜多觀察及了解。
去完悠長假期嘅旅遊，又要開始做正經野，零晨二時去厠所，順便炒日股，整好部署，繼續瞓，朝早七點前再炒，有時都有點斬獲。
駕車接送完兒子去Nursery，由於半日，冇turnbreak ，兩星期旅遊係要請假，沒有暑假，至八月中入讀小學。回到家中，睇下BBC兒童節目，學下英文，由於正式英語太快、多連音，自己又撞聾，完全聽唔到，兒童節目一定慢及誇張，點都聽到多少，練詠春都知，不在乎練多少，重要係日日練，績少成多，股票道理也是一樣，每日賺少少就夠生活。人也是一樣，每日keep住有成長、進步，偉人都可以做到。
炒完日股，炒英股，但英國唔係好掂，睇多過買，主要都係等下午二時半炒美股，才是正餐，每個人也有工作，只不過這工種太特殊，別人見我無所事事，全職湊仔，下午好天，又陪個仔踩單車，其實真正戰場晚上九點才完，人哋專業投資者，幾個顯示屏，我也試過用電腦，不過唔夠free，最終兩部手機，一個顯示報價，一個開住IB投資app，要出一出去，攞一部手機即可，自由自在。
八月可能跟移英家庭去格拉斯哥，蘇格蘭第一城巿，點都要去一去。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
巿場勁傳九月減息，究竟係咪真？大家都係估估下，如果有人對資訊有絕對把握，All in已經發達，又何需攪咁多大龍鳳，又要拍片賺擊點、披闖課金、開班授徒…
就算你知減息，又假設係真，巿場嘅反應也非我們這些低等人類可以預計，以前讀經濟話，減息會刺激經濟，樓股皆升，究竟係咪真係會咁發生？其實係冇人知，因為經濟唔係差到貼地，美帝何來會減息呢？到真係要減息，經濟可能已經很差，失業率高企，要扭轉乾坤都唔容易。
高官、大藍絲，資產放晒在歐美這些邪惡地區，子孫全部送晒去歐美這些邪惡地區留學，留番最好嘅投資機會及學位給你哋，多麼偉大！
如果特朗普當選總統，加60%天朝關稅，再加上晶片及高科技全封鎖，咁後果會點？大家自己想想。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
美帝總統競選又到…
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
其實人為了甚麼？
有的人辛勞只為最基本嘅生存，好一點可追求一點理想，有的卻為「封爵」，做各樣慈善活動，人前人後刻意建立恩愛家庭形象，其實爛到七彩。
其實乜嘢人都喺度搭雞棚，唔通貪你陣「老人廚」夠香咩！當達到目的，仲唔過橋抽板。
其實真實世界，唔需要甚麼能力加持，只要小小好處、小小油水，邪惡已經盡情展露。
記錄片「I am Celine Dion」，講述她患上冷凍人症嘅心路歷程，佢最難過是唔能夠再上舞台唱歌。
有人封唔到爵而唔開心，有人唔可以唱歌而唔開心，有人搭雞棚未攞到好處而唔開心，有的人更卑微，為三餐未能溫飽而唔開心。
經歷了兩星期悠長假期，倒要嚟一個總結。
錢就用了，初步估計郵輪加自駕遊用了約四萬港元左右，究竟值不值？如果以未有小朋友嘅成年人來說，可以玩盡一切郵輪設備，每到一個點又可深入了解風土人情，是完全值租。
但一加入小朋友因素，任何時候成人都要睇實小朋友，我去泳池都冇游水，純屬浸水，陪小朋友玩，就是郵輪嘅大型水上滑梯、競技活動，完全冇玩過，每晚嘅show，第一次太夜，小朋友在咁勁嘅音響下都睡著，要抱著返房，第二次早一點嘅show，冇book嘅情況walk in，要站著睇，也投入及精彩，唱歌一定好過「終年好聲音」，跳舞一定勁過「各褲成」，扮Michael Jackson嗰個可以做斜45度前傾動作，除了對鞋有機關，核心肌群都要練到好勁，我們晚會活動更不會參加，因小朋友要睡覺。
幸好有托兒服務，讓小朋友在職員帶著情況下玩，成人可短暫甩身，我同「歪芺」去了「劇鮮勞」玩了老虎機，純為娛樂，因為我知道自己嘅戰場是股壇，不是賭場，第一次平手離場，第二次輸了四舊，當去了機鋪或去了「冒險樂團」推銀都使了去。
每晚可去指定餐廳用膳，只去了兩次，因餐廳用膳要等待上菜，小朋友冇耐性忍耐，食嘅野又未必適合小朋友，雖然有小朋友嘅菜單，但又唔想佢食太多熱氣野，所以大部分時間都係自助餐，早、午、晚三餐，真係好悶！
兩次落地法國，兩次西班牙，小朋友行不遠，倦又要抱，又要去厠所，又扭計要買玩具…你都可以想像個場景係點，走馬看花便算。
一星期郵輪，2次show、2次餐廳、2次「劇鮮勞」，去唔盡、玩唔盡、食唔盡、冇得玩、常要抱，小朋友就真係開心，但大人就…
自駕遊嘅情況也有類似，落腳點附近也不會太遠，或駕車食飯附近。每個城巿除了布里斯托嘅酒店留了三日，其餘：雷丁、伯明翰、列斯，都只留一日，駕車加上中途休息站入油、食野，已用了時間，所以去到酒店整頓，跟著出外吃晚餐，順便行下，明早酒店吃早餐，執整行李都差不多又起行，遊覽時間實在不多。
英國表面風光，實質貧窮，這可分物質及屬靈層面，物質方面，貧富懸殊嚴重，酒鬼、毒販、露宿者隨處可見，我去列斯巿場，猶如七十年代巿政街巿及熟食中心，賣嘅二手玩具，我嘅兒子都不屑一看，二手衫、二手工具、電鑽等，猶如鴨寮街。至於屬靈層面，極權國家會將領袖邪惡極大化，民主國家會將普遍人民邪惡極大化，以人權為名，實際是任意而行，墮胎合法化、大麻合法化、電子煙合法化、同性婚姻合法化…偏行己路，最終走向滅亡…。
講番正題，從大人角度，一定唔值，但從小朋友嘅角度，一定值得，投資在大人，唔知仲有幾多時間，但投資在小朋友，前途無可限量。
美帝一劈就50點子，你估鮑爺傻㗎！一定背後有「景滾」，今年會再減，高息環境令經濟受壓，減得息即係經濟轉差，減親息一定減到一厘以下，問題係未來減嘅程度及密度。 保守投資，有高厘數嘅產品，越長越好，有四厘或以上就要做，鎖死一年兩年，公司債，如果穩陣公司，如投資級別，都唔使怕嘅！ （...
