移英日記（332）要有盤川走路

 對於最近執政黨又話5+1變10+1，又話要有甚麼實質貢獻…確實令不少新移民擔心，有的更部署二次移民。

「人無遠慮，必有近憂」這是無可厚非，不過這一切擔憂也言之尚早，一則白皮書是未係落實政策，二則違反承諾也會面對法例嘅挑戰，三則政黨更替，凡事都有變數。倒不如看看最早那批BNO移民，在申請永居時有冇阻礙，再作定奪都未遲。

我建議嚟到「嬰革難」嘅朋友，子女若有三年才入讀大學，倒不如盡早北上「鬚革難」，唔理佢10+1也好，都無需交國際學生費用。啲細路讀完書，去葡萄牙黃金簽證又好，去馬來西亞MM2H也好，此處不留人，自有留人處。

各國收緊移民政策，寶島又係咁，楓葉國又係咁，袋鼠國又係咁…

這個世界甚麼都會變，人也會變。將來嘅事講唔埋嘅！好好賺錢，要走，也有盤川走路。