IB投資系列：賺錢永遠靠自己

 買長期尾債能否賺錢？我不知道，我淨係知過去尾滙跌了10%，即使你話兩年賺30%，就當平均每年15%，扣除貶值10%，咪得5%，加上通脹，唔蝕算偷笑！

尾帝從來都不會考慮你嘅死活，只care尾債有冇人接，明日股價升定跌，我都不知，何況兩年後嘅投資，又要睇減息速度、幅度、各國印錢速度、幅度，通脹速度、幅度，債價係對比股價，未來大巿冧檔速度、幅度…如果我有肯定賺錢方法，一定留番俾自己，炒股從來都冇貼士，山埃就大把，賺錢永遠要靠自己。

如果洗碗就可發達，我洗碗不會比「標基」、「背索屍」少，如果唔讀大學就可發達，我日子唔使涯得咁辛苦。

如果抄功課會發達？股神「爸飛突」買「苛烙」，你買佢嘅對家「八事」，你已是神中神了！

模仿並不會超越，點解「高肶敗人」永遠超越不了「咪高左噸」？因為模仿永遠跟唔足，一招「彈後跳射」，「咪高左噸」游刃有餘，「高肶敗人」卻勉勉強強，因為動作嘅差異。

YouTuber 「屍搏」、「阿泳」、「阿朱」曾經在大行做過，「末日博士」、「教授」幾十年銀行經驗，「霖本脷」係經濟學者，「幸脷」係醒目仔，「Ko Ko哥」係大蠱惑…你憑乜嘢賺錢呢？你可以模仿copy邊個呢？我實在告訴你們，就算set到幾部電腦顯示器，似足專業投資者，你都沒有大行及銀行嘅思維及反應，你有「Ko Ko哥」咁醒，都冇佢咁蠱惑，你永遠做唔到佢哋，你只有做你自己，你嘅人生由你自己打造，唔係做跟班。

當然你可以閱讀不同人嘅書藉，學習他們成功嘅事，融會貫通，化為己用。就算超級老千「富爸爸」嘅書，我都唔反對人睇，不竟有啲野只有老千可以教你。

至於我這個網誌，鍾意睇就睇，唔鍾意就get out，不竟我不過是「低奴」，Level都有限，你自己睇多啲書，你才會真正獲益。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。