IB投資系列：賴皮

 尾帝究竟玩乜嘢？如果你係尾帝又會點做？歷史都係重重複複咁發生…

其實「關稅亂戰」咪以前嘅劇本，尾元1.0係靠金本位吸走全球資金，所以尾元又叫尾金，就係咁樣來，但後來各國發現尾帝印錢遠多於佢儲存嘅黃金，各各紛紛要求贖回黃金，美帝就取消金本位了。

尾元2.0係靠石油吸取資金，尾帝規定必須以尾元作為石油貿易嘅結算貨幣，因此「依拉黑」嘅「殺達無」意圖唔用尾元，就遭到殺害。這不是陰謀論，是真實歷史，尾國發動戰爭嘅藉口是大殺傷力武器，但最終也找不到。

尾元3.0係靠尾債吸取資金，這曾視為無風險投資，我也曾經試過借「逸圓」買「尾元」、「尾債」、「尾股」，但只限短債，切忌長債，只用作資金短期泊岸有息收，你都知尾帝一定會賴皮，只是時間問題。

賴皮方法，先是將「尾元」貶值，以前叫「講場協議」，現在叫「凱胡莊園協議」。AI年代，冇「揮撻」芯片，根本不可能，唔用尾元買，根本不可能。現在要炒虛幣，加埋嗰個「搵訂幣」，背後以「尾債」支撐，實際迫人買「尾債」，再以股災爆破，盡收天下財富，吸星大法才完全，咁樣，「尾元」霸權就可延續數十年了。

當然，劇本係咪咁樣行，真係冇人知，但我哋要時刻有這種危機感，知道財富隨時化歸於無，投資必須小心謹慎!

（本星期賣了七張看漲期權，收一萬左右講元期權金，係狼死了點！好像搏命似的，切勿模仿。）

（「尾帝」要爆破亞洲，實際係對付「天朝」，不容任何一國可以挑戰霸主地位。）

（「你巾馨」輸晒基金嘅錢都冇所謂，佢照收高昂佣金及手續費，好像「淪噸金」一樣，係咪都頻繁買賣，你死，你嘅事。）

（「週角強」今晚早啲唞！發夢就可以。）

（對「突郎浦」而言，「馬屍黑」只不過係東廠嘅太監，你聽聽話話，自然有好處，機械人的士、NASA 太空計劃，樣樣為你開路，榮華富貴享之不盡，倘若攪攪震，甚麼火星計劃，你一世也做不到。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。